عائشة فجأة بدت تعيطط بصوت عالي وتكسر في الدنيا
كانت تعيط في عياط غريب وشادة شعرها كانت في حالة هتستريا
موسى يبي يحاول يوقفها قعد يحاول يشدها
عائشة : حووول من عليااا حوللل كرهتتكك كلله مننك حياتيي ادمرت بسببك علاشش اديرلي هكي علاشش
وقعدت تعيط وموسى واقف زي الصخر وكان مشعارف كيف يتصرف يشوفلها وخلاص💔وبعدين معاش تحمل يشوفها هكي طلع وخلاها
وقعدت ع الحال هادا قريب ساعة وبعدين قعمزت ع الارض وحطت راسها ع الصالون ودموعها تنزل 💔والدنيا حواليها مكسرة وتلفون كان يرن وكأنه متسمعش فيه وقعدت هكي هايمة وخلاص
موسى
قعد في السيارة مدرسها قدام لبحر ويشوف وخلاص وهوا عيونه حمر وكان ميبيش يضغف لاكن كان حاس وكانه بيبيان نفتحت عليه مش حتتسكر خسر مرته وحبيبته يلي هوا اساسا حس بالحب معاها اكتشف انه حتا لداره فيها عناد بس بس هوا كان يبيها يموت فيها لاكن شن فايدة بعد ماخرب كل شي 💔🤷🏻♀️
قرر يرجع للحوش ويواجه مصيره
موسى يفتح في الباب بهدوء ويشوف قدامه الدنيا كلها نضيفة وعائشة مهناش قلبه قبضه وخاف تكون دارت شي في روحها ولا مشت لي مكان خش يجري للدار لين فتحها وقعد مصدوم
موسى : علاش تلمدي في حوايجك
عائشة ببرود وبدون متشوفله : طلقني
موسى دار روحه مسمعهاش: خلينا نتفاهمو
عائشة بهدوء : طلقني
موسى : عائشة اني...
عائشة بعياط : طللللققق
موسى : اني الطلاق مستحيللل نطلقك فاهمة وبعدين انتي حاملل اصلا
عائشة : اصلا مش حنخليه يلي في بطني وانت حطلقني
موسى حاول يقرب منها وكان يتكلم بترجي : لا لا عائشة ماديريش فينا هكي انتي عارفة انه نحبك غلطت ونعترف بي غلط متاعي لاكن اني منبيش نهدم بيتي اني نبيك انتتي ونبيي يليي فيي بطنكك افهميني
عائشة : اني وانت معاش في شي يربطنا وانت حطلقني ولو قعد في بطني اول مانولد حايصير الطلاق ولي هاداكا الوقت منبيش نشوفك
وكملت تلمد في حوايجها وهادا كله تحت انظار كوسى يلي يشوفها وقاعد مش مصدق شن قاعدة ادير
لين الباب يطق طلعت عائشة وفتحت الباب
الحاج محمد محمد طول حضن عائشة وباسلها علي راسها : معززة مكرمة ترجعي لي حوش بوك بنتي
عائشة كانت بتبكي بس حاولت تشد روحها : الله لايغيبك
لين موسى طلع من الدار ويشوف في عمه وكان واضح انه يندري لاكن كان شادلها الشناطي
الحاج محمد : الله يسامحك ياولدي الله يسامحك ... وطلع وطلعت وراه عائشة
موسى
يعني بسهولة هادي تخلتت عليا ؟
بسهولة هادي سيبتني وسيبت حوشنا
موسى كان مش مستوعب قعد مقعمز ويشوف للفراغ يلي هوا فيه هادي كانت خسارته الاخيرة حس نفسه عمره مانجح في شي حياته كانت صعبة وقاسية عليه كان فرحان بي نفسه انه نجح ودار عيلة وحس بشعور الانتماء بس فشل لما مقدرش يحافظ عليه
