خلاص فات اسبوع واثنين ثلاثة وو كله بدون احداث وطبعا كل حد شاد حوشه وموسى وعائشة مفيش تواصل بينهم ولا يشوفو في بعض وكانت شيماء اطلع في عائشة مش تبتت وهكي
واقفين قدام محل متع ارواب وكيف بتخش شيماء
عائشة : تي وين خاشة توا بالي في الارواب اني خلينا نكلمو ونروحوا نحس في روحي دايخة
شيماء وهيا تضحك : غر خودي حتا وحيد بالك تصير حويجة هكي 😂😂😉
عائشة وهيا تضحك : لاحويجة لاشي هي اطلعي ساد مصار
شيماء : ياودي فكري راهو تقعدي هكي بعدين 🤣
عائشة تنرفزت : هياا بلا جوو
شيماء مشت وقعدت تضحك عليها
المهم فات الوقت والايام لين جي اسبوع العرس وبالتحديد في يوم الفاتحة كانو كلهم لابسين وحاضرين وكانت الفاتحة كبيرة
في حوش الحاج محمد كان معبي بالناس والاقارب ..
ايناس : عويشة حبي تعالي نصورو
عائشة وهيا متوترة ومعندهاش خلوق لي شي : خلي بعدين تعرفي والله مخاطري
جليلة : نوضي بنتي صوري بي البودري معا وخيتك
عائشة : حاضر خالتي
طبعا العرس حضروه خالات عائشة يلي هما صفاء والخالة التانية لي اكبر منها جليلة وعندها زوز بنات ايناس ونور وصفاء طبعا متزوجة ومطلقة.. نرجعو لي قصتنا
عند الرجالا كيف قرو الفاتحة و وكملو وطبعا الحاج محمد كان طول الوقت وهوا دموعه موقفوش
حاج محمد شاد موسى
حاج محمد وهوا عيونه دموع : ولدي حطها في عيونك راهي يتيمة راهي هادي الغالية راهو بنتي مانتحمل فيها شي دير فيها الخير سلم ولدي
موسى : ان شاء الله عمي بدون ماتوصى
مصباح : محمد عاد سلم وخي راهي قاعدة بحداك راهي صبر روحك خيرنا عاد
حاج محمد : بنتي يامصباح ... وحضن خوه
طبعا الباقين كلهم قعدو يباركو لي موسى واحمد واقف من بعيد ومجاش وطبعا موسى كان مستغرب في احمد كيف قعد جابد عليه لانه اول ماعرفهم كان اكثر واحد احمد فاتح دوة معاه واحمد حتا هوا
موسى جي لي احمد
موسى : شني مفيك مبروك حاجة
احمد شافله وهوا واضح عليه متكنطى : مبروك
موسى محبش يكثر معاه لكلام
موسى : يبارك فيك .. ومشي وخلاه
عرفة : الف مبروك يغالي جوازة الدهر يارب
موسى : الله يبارك فيك
عرفة ببصارة: ردبالك راهي عويشة الغالية
موسى : هه بتوصيني ع مرتي ههه شوف غيرها
جلال بهزوة : تي امته ولت مرتك هيا
موسى تنرفز من كلمته وتعصب لين جي قدامه وشده من سوريته بس كان محدش ملاحظهم
موسى بصوت هادي وهوا يضحك : الجو لمسخ لتحاول ادير فوت ر... خير ماا نحطك في راسي نتعبك راهو
اصيل : هي هي هي انت وياه تي صلو ع النبي
جلال كان يشوفله ويضحك : منك نراجو قاعدين هه هات شن عندك
موسى : تي تعرف ...
سامي : شن في ياموسى خيرك
