وفاتو اسبوعين وعائلة مصباح انتقلت في جنب مهم وامورهم تمام وحباب وصحاب
حنكمل نحكي بس بلسان عائشة ...
في يوم من الايام كنا كلنا مجتمعين اني طلعت برا بناخد من الجنان نعنان لين نشوف في جلال جاي اتجاهي لاكن معبرتاش
جلال جاها ووقف قدامها : ممكن نفهم شن قصتك
عائشة : ههه نعم مفهمتش استاذ
جلال وهوا يتكلم بتهديد : جو الغباء فوتي امه ملاحظ انه موسى ديما يشوفلك وانتي خايفة منه وتحسابيني منعلمش انه واقفة عليه يومتها بحدا باب الكوجينة حركات هادم مش عليا كانه مش لاقية من يربيك تتربي من اول وجديد
عائشة بصوت مرتفع : تحترم نفسك لما تتكلم معاي مني انت اصلا مش تتجرأ وتوقف قدامي وتوجهلي بكلام هادا عندك خوات وتحكم فيهم وتربيهم اما اني معندكش اي سلطة عليا لا انت ولا غيرك هادا مناقصص
ومشت وخلاته وكان موسى واقف قدام الباب ويشوفلهم وكل مرة يزيد يكرها لانه كان يشوف في اسلوبها معا الكل وطبعا حتا مصباح واحلام ومريم عرفوها كيف انه قليلة ادم وترد ع الكل والكل كان ساكت كانه خايفين من شي وبعدين فهمو انه اسمهان ومحمد مش عاطين فرصة ليهم انه يدافعو علي انفسهم 🤷🏼♀️
انتصار : خيرك صوتك عالي في من تكلمب برا
عائشة : فكيني منك انتي خير علي اساس مكنتيش تتسمعي
انتصار : عيب عليك ياعائشة راه خلاص وصلتيها لحدها اني عمتك وتحترمي نفسك لما تتكلمي معاي
احلام: صلو ع النبي خيركم يجماعة هدو
عائشة بصوت عالي : جوو الطيبة وعمتك ماعمتك فوتيه تي انتيي كانه فيك الخير وربي يحبك راهو مدايرة صغار علي عمرك وانتي معاش تدخلي بينا لو سمحتي يكون افضل
طبعا الكل جي بعد ماسمعو الدوشة وانصدمو من كلمة عائشة يلي قالتها يلي عمتها وكانها تعاير فيها
مصباح : لاحول ولاقوة إلا بالله
انتصار كانو عيونها دموع وخلاص وساكتة وتشوف حست كانه حد صب عليها اميه سخونة وجعتها لين خلاص
موسى كان يسمع فيهم وميحسابش الرد هادا كان حتا علي امه
احلام : ربي يهديك شن قتلك اني
عائشة بصوت عالي بكل : انتتي مدخلكش قتللك وبعدين شن لقيتيني نجري في الشوارع مش تقوليلي ربي يهديكك هاداا لنااقص والله
موسى بصوت عالي لين الكل انخلعو وخافو : انتي هيي لمن تقولي فيه لكلام هاداا ااه
عائشة : اني قتلها تسكت ومتدخلش لانه الموضوع ميخصهاش الدوة بيني وبين عمتي
حاج محمد وهوا متحشم من تصرف عائشة ولاول مرة يحس انها غلط : خلاص مصار شي عائشة بنتي عيب لكلام هادا تردي علي لي اكبر منك هادي في مكانة امك ميجيش يابنتي اعتذري منها ومن عمتك
عائشة : لامش امي واني مغلطتش في حد مش نعتذر
وركبت لدراها
مصباح شاد ولده بسيف ويكلم فيه بصوت واطي : قعمز واهدا صلي ع النبي ياولدي مااديرلناش شوشرة هنايا توا
