وصلو للحوش وموسى خدي ولده اول ماوصلوا وكانو خاشين كلهم معا بعض وكان لولاد مقعمزين في الجنان ومن ضمنهم جلال 🤷🏻♀️
العارف : يامرحبا يامرحبا الف مبروك عليكم ... وسلم علي موسى وعائشة والبقية
سليمان جي بحدا ولده : واقسم بالله كانه ادير حركة هكي ولا هكي ولاتعلي صوتك وتحشمني لاعاد ولدي لانعرفك هني روحك ياولد خير
جلال كان لولا تحذير بوه ليه كان حيدير مشكلة بس خلى روحه عادي وقدم سلم علي الكل طبعا إلا موسى
جلال : كانه هكي نجيبولها كروسة مش خير ولا
الحاج محمد : شني يابنتي نجيبولك كروسة خيرلك
عائشة : لالا نمشي احسنلي قتلي الدكتورة لازم نمشي
موسى كان يشوف في تصرفات جلال ويغلي كان 🔥
خديجة اول مشافتهم
خديجة : لوولولولوليي نورتو نورتو ...وجت حضنت عائشة وتسلم عليها وتباركلها وبدو يجو يباركو كلهم
نادين : موسى جاي معاها
رزان : كدابة
نادين : والله شفته واقف معاهم وشاد الولد
ريمة : بالك تصالحو ان شاء الله ياربي يرجعو لبعض
طبعا نادين من لما القصة لصارت وقالتها لي موسى وجابتله الرقم طبعا وموسى تاكد من انه جلال هوا يلي مداريله المشكلة هادي بس مقالش لحد ونادين قعدت تحاول تتواصل معاه هوا سكر عليها جميع طرق التواصل
صفاء : عائشة جت ي بنات نور تعالي ونادي امك
نور : هيا هيي
سليمان شد البيبي من موسى : مشاء الله مشاء الله ان شاء الله ربي يحفظهولك ياموسى وتشوفه وين ماتبي
موسى : ان شاء الله ان شاء الله
الحاج محمد : توا معاش اسمه موسى ابو آدم هادا
سليمان : زينة الاسماء والله
نجوى : ترا اعطيهولي سليمان
سليمان عطاهولها وشداته
ريهام : يهبلل محلاه🥹
نجوى : اي مشاء الله
العارف : مالا سماه بوه
موسى بضحكة : هه لا والله جده محمد
وكلهم خشو داخل
صفاء : عويشة نوضي غيري حوايجك
عائشة : تمام به
صفاء : شيماء حبيبتي بالله تعالي ساعديني نوقفو عويشة
ساعدوها نوضوها كانت تتألم المهم غيرت حوايجها وكانو موتيلنها قفطان مستور هكي نازك لونه سماوي ودارلتها شعرها شيماء هكي لوطة ونزلوها
ريمة : كويسة توا حالك
عائشة : اي الحمد الله الحق افضل من امس بهلبا
شيماء : توا مش واخدة مسكن ولا
عائشة : الصبح دارتلي ابرة
ريمة : باهي كويس
عائشة : وين امي مالا
ريمة : شورها لداخل هيا ومرت عمي احلام
عائشة : اها
ريمة : فرحت الحق امبكري شفت موسى حسيته زي باهي بترجعو
عائشة هزت راسها بالنفي : اني قاعدة علي نفس قراري غر منبيش نحرمه من ولده بنطلق ياريمة
ريمة : حرام عويشة والله حرام بعد ماجبتي علي خير علاش تضلمي في وليدك حاولي تعطي فرصة
عائشة : ياريمة معاش تدويلي اني ضحيت هلبا وسكتت هلبا واني انسان زي هكي معاش نرضى بيه وميناسبنيش
ريمة : الله غالب وخلاص
