سامي طول شاف موسى وحضنه وقعد يبكي
موسى : معاش تبكي منعرفكش هكي اني تي خيرك يراجل
سامي : ظهري انكسر في غيبتك يغالي
موسى : اهو رجعت اني الحمد الله
سامي باس علي راس موسى : الله لايغيبك
موسى ابتسم وركبو السيارة وانطلقوا
في حوش الحاج محمد كانو العيلة كلهم بابيتين وملمتمين وطبعا خلال الفترة هادي كان احمد يحاول يقدر الامكان يتقرب من عائشة 🤷🏻♀️
في الجنان كانت عائشة مقعمزة وكانت معاها مروة
مروة : عويشة ندير قهوة تشربي
عائشة : ديري عادي
مروة ناضت.... وجلال كان جاي جيهة عائشة
جلال : السلام عليكم
عائشة شافتله ومردتش
جلال قعمز : علاش الحركات هادم قلنالك السلام متبيش تردي
عائشة : معندك علاش تقول سلام منبيش منك شي
جلال : ناقصك شي تبي شي نبي نسال عليك بس
عائشة مستغربة من تصرفاته ضحكت : لاصحيت منبي شي
جلال : بتطلقي انتي ولا
عائشة : نعم!
جلال : قصدي بعد ماعرفتيه علي حقيقته مزال بتقعدي معاه مرات حتا متلقيشي مفقود هارب مرات يتلبد خانب كبير تي والله اني من بداية حسيته مش مزبوط
عائشة ساكتة وخلاص
جلال : والله مايستاهلك بكل سفتول زي هادا اني ولد عمك ويلي تبيه اني فيه انتي غر أمريني بس
عائشة : بارك الله فيك ويستر الله
ريمة : ندى خيره خوك لطف مقعمز بحدا عائشة ويهدرزو
رزان جت تجري تشوف فيهم
ندى : مندريش بيه شفتيهم انتي
ريمة : اي اهو تعالي شوفي
رزان : علاش ماشيلها شن يهدرزوهادم
ريمة : راجلها مهناش تبي تلف علي الباقي وتصيع عاد
مروة : ياقعادكم تسحنو عليها ههههه ... وطلعت
ريمة : وعلاش شني بنسحنو ي ماما
ريهام : خلاص طلعت اسكتي فكينا
مروة : نصبلك جلال قهوة
جلال وهوا يشوف لعائشة : صبي
مروة : هي ... وعطاته وعطت لي عائشة وقعدو يهدرزو الثلاتة لين اذن المغرب
عائشة : اني بنوض خلاص الحق
جلال : تي خيرك خليك
عائشة : لاهاداكا هو ... ومشت وهيا خاشة لاقت في الباب احمد دارت روحها متشوفش فيه
احمد شدها من يدها : علاش تتهربي مني شن درتلك
عائشة حولتله يده بقوة : شن الحركات لدير فيهم تحشم علي وجهك اني علي ذمة راجل لو ناسي
احمد : وينه الراجل هادا واحد قليل اصل وقليل نخوة تي مفروض موافقتيش عليه اني قتلك عائشة ناخدك اني مستعد من غدوة نتزوجك
عائشة : تحترم نفسك قبل ماتتكلم علي موسى بكلام زي هكي وراجل وارجل منك تريتني كنت مخدوعة فيك ... ومشت وخلاته
وهادا لكلام كانت تسمع فيه انتصار 😨ومصدومة من احمد
عند موسى وسامي ...كانو شادين الطريق
موسى : تميتلي امور الحوش ولا
سامي : عيب يارفيقي درت كل شي
موسى : ياودي معرفتكش
سامي : 😂
موسى : معرفتليش مني لدار هكي
سامي : معرفتش هاد لمخليني نخش في دماغي ونطلع
موسى : سيورني نجيبه 🔥
