موسى خش داخل بعد سقدهم كلهم وخش للدار لقي عائشة مقعمزة ع سرير
موسى يشوفلها
عائشة توترت : خيرك تشوفلي
موسى : اني نبي حقوقي منك
عائشة لما قالها هكي قلبها قريب وقف : حقوق شني
موسى قرب منها : حقي الشرعي منك
عائشة تتنفس بقوة وتوخر : معندكش حق عندي ومليكش الحق
موسى تعصب : نعم عاودي
عائشة : زي ماسمعت موسى
موسى : يعني متبيش نقرب منك
عائشة : ههه تشاور فيا يعني تي ماهو درت عملتك قبل سالتني لو نبيك او لاا ولا توا عرفت انه نبيك ولا منبيكش وتسال فيا اي منبيكش تقرب مني ولا نبيك تكون راجلي اصلا نبي نطلق منك
موسى كانه صبيتي عليه اميه باردة تجمد من كلامها وكان متوقع انها تتجاوب معاه لانه كانت تضحك وعادي جوها متوقعش تصده هكي
موسى بكل هدوء عكس النار يلي داخله : تمام لتبيه حتا اني بنشوف حياتي وبنتزوج وانتي زي ماتبي طلاق نطلقك .. وناض طلع
عائشة كانت تبيه وحست نفسها بدت تحبه بس دارت ردة الفعل هادي متوقعة انها يتمسك فيها لانها كانت مش هاينة عليها نفسها نصدمت من ردة فعله نار ركبتها خصوصا لما قالها بنشوف حياتي بنتزوج
عائشة غيرت حوايجها ولبست بجامتها وقعد في دار ماشية جاية وهيا تسحن وتغلي طلعت من دار مشت للمطبخ هيا كانت تبي تشوفه شن يدير طلعت لقاته شاد تلفونه ويدردش 🔥
عائشة طلعت من كوجينة وخش للدار وسكرت الباب بقوة وقعدت تغلي تغلي لين رقدت💁🏻♀️
في الصبح ...
عائشة ناضت قبل موسى وكانت علي اساس ناوية تقهره وتغيض خشت لحمام حشاكم وطلعت خشت للمطبخ دار لفطور وقعزت تفطر لين تسمع فيه ناض
دارت روحها متسمعش فيه لين خش
موسى كنت فاهم عليا مدايرة روحها جابدة روحها وتبي تتجاهلني قررت نتعامل معاها عادي جدا
موسى : صباح الخير
عائشة بدون متشوفله : صباح النور
موسى قعمز وقعد يفطر لين تلفوته رن ناض مشاله
موسى لقاه رقم غريب ...
موسى : ايوا
رغد : اا ايوا اهلين موسى
موسى : من معاي والله معرفتك
عائشة من اول ماسمعت موسى قال هكي ناضت طول قعدت تتسمع عليه
رغد : اني رغد بنت خالتك
موسى : اها رغد اهلين كيف حالك
رغد : الحمد الله كيف حالك 😍
موسى : كويس والله تفضلي ان شاء الله خير ولا تسالي بس
رغد : هه لالا والله امي مدايرة عصبان وقالت موسى يحبه اوينا ايام قبل ديما عندنا
موسى وهوا يضحك : اي والله شني بتعطوني ولاغير تجوعو فينا
رغد : عيب عاد تعالا خود اهو ماما مويتلتلك صونيتك
موسى : تمام صحيتو خلاص قولي لخالتي شويا تاني ونخطم عليكم
رغد : تمام نستنو فيك ❤️
عائشة خلاص ماتت من القهو 💔🔥حست روحها بتبكي خلاص
خش لقاها مقعمزة
