في اليوم التاني
عائشة
نضت الصبح ولقيت موسى مهناش الباين انه طالع
عند موسى
موسى : غدوة الصبح ح يجي صاحبي يرفعك للمصحة واديري عملية
جوليا :خلاص تمام اني ندير كل شي علي خاطر مش انت تكون راضي بس
موسى : اني بنمشي ... وناض
جوليا : خليك شويا نفطرو معا بعض
موسى شافلها وطلع وخلاها
جوليا كانت فاتحة تسجيل وتسجل في موسى شن يقول وكيف تكلمو علي الحمل وانه يبها تجهض
عند موسى وهوا في السيارة تلفونه قعد يرن وكان رقم 📞
موسى : ايوا
كان صوت بنت ومش غريب عليه
نادين : موسى معاي
موسى : تفضلي مني
نادين : نادين اني
موسى : من نادين
نادين : بنت سليمان
موسى : اي عرفتك تفضلي خيرك
نادين بتوتر : في موضوع ضروري نبي نتكلم فيه معاك
موسى : نسمع فيك
نادين : اني بنقولك لانه خايفة عليك يعني ارجوك بدون مشاكل وشوشرة نبيك ترد بالك
موسى : به ممكن نفهم شن تبي تقولي
نادين : امس نسمع في جلال خوي يتكلم هوا وشخص يقوله عليك انت انه طلعت وانه مفروض يشدوك مرة تانية وانه يبي يقتلوك وهلبا هلبا
موسى : متاكدة
نادين : اي متاكدة والله كان لكلام عليك
موسى : تمام سكري توا واني نرجع نكلمك مرة تانية
نادين : تمام دير بالك علي روحك
موسى سكر عليها الخط ونادين كانت فرحانة انه واخيرا جي موضوع لعندها مش تقدر تكلمه
عند عائشة
ضميت الحوش ودرت فطور وقعمزت نفطر وشادة تلفوني نكلم في خالتي صفاء
صفاء : والله حاضر يومين هادم بنفضي روحي وبنجيك نكسد عندك
عائشة : اي خويلة تعالي قولي حتا لمرت خالي ولبنات ديرو يوم وتعالو عندي
صفاء: فكيني منبيش نكلم حد بنجي بروحي
عائشة قعدت تضحك
صفاء: شني في اي شهر توا
عائشة : الثالت
صفاء: باهي مشاء الله ان شاء الله بالخير شني بطنك باينة اكيد
عائشة : اي طلعت شويا😂
صفاء : حسه خالك جي
عائشة : باهي سلميلي عليه وهيا نتلاقو ان شاء الله
صفاء : بأذن الله هي رد بالك علي روحك عويشة
عائشة : حاضر .. وسكرت الخط
موسى كان يفتح في الباب
موسى : السلام عليكم
عائشة : وعليكم السلام وين كنت
موسى : كنت معا سامي امه مريضة شويا
عائشة : اها لاباس عليها
موسى جي قعمز بحداها وحضنها: اي شن درتي
عائشة : مدرتش شي ضميت شويا ودرت فطور واهو ناكل
موسى قعد يشوفلها : خيرك وليتي حلوة اكثر من قبل
عائشة قلبت عيونها وضحكت : حلوة من يوم يومي 😂
موسى ضحك : ياكلمتي وليلي 😂شافت روحها عاد
عائشة قعدت تضحك
موسى حضنها بقوة : نحبك هلبا وردبالك تسيبيني
عائشة حست كانه في شي : وانا نحبك ومستحيل نسيبك
موسى : مستاحشك هلبا
في اليوم التاني ...الصبح بكري
موسى : اني بنطلع حبي باهي
عائشة : تمام حياتي ... باسها وطلع
