في الليل
مصباح مقعمز ويفكر
احلام : مصباح خيرك في شن تخمم
مصباح : تعرفي يااحلام لأمته بنقعد مقاطع خوي حتا نشوف صغاره في شارع منعرفهش
احلام قلبها نخصها وحست انه في شي مش تمام
احلام : كيف يعني وشن بدير وعلاش توا تفكرت الشي هادا
مصباح : هادا خوي شن علاش فلاخير عمره الدم ميولي اميه لازم نرجع اني وياه هادا خوي ولد امي وبوي
احلام : عييت واني نقولك فيه لكلام هادا توا خطرلك يا مصباح بعد ما ولدك بدي يكرهم وقلبه معبي عليهم تبي ترجع لخوك
مصباح: توا سيوره يولي بعدين اني قتله الحق بس لاكرهته فيهم لاشي
احلام : دير لتبيه مصباح دير لتبيه لاكن متاكدة اني وراه شي هادا الصلح يلي تبي اديره
وطلعت احلام وخلاته علي خشة موسى شافتله بعصبية ومشت
موسى : السلام عليكم
مصباح : وعليكم السلام
موسى : خيرها امي
مصباح : مخيرها قتلها ع الموضوع لقتلك عليه الصبح
موسى : حتا انت يابوي اطول في البر وهوا قصير علاش مناخدوش حقنا طول انت غر خليني نتصرف بس
مصباح : ميجيش ياولدي انت متعرفاش هادا محمد زي الشطان والناس غادي يلي جنبه كلهم يحفلو غر بيه باني علاقات قوية يعني حتا لو توا درنا لتبيه مش حيصدقنا حد اني نبيه بالطيب كله اني وقت نوصل فيه نعرف كيف نتصرف معاه
موسى وهوا مش عاجبته فكرة بوه بكل : ماشي اني بنمشي معاك لاكن بتطول القصة راهو بنتصرف من عندي
مصباح: انت اصبر بس وتوا تشوف كيف عرفتلي وين ساكنين ولا
موسى: اي
خلي نحكو علي موسى شويا عمره 35 كبر قبل وقته وتعب هلبا في حياته ومعاشش زي جيلة ابدا لعند العمر هادا وهوا قاعد يحس في نفسه مسؤول من عيلته 🤷🏼♀️ الحاج مصباح في فترة مر بي وعكة صحية وخلاته طريح فراش لمدة شهر وكانت حالتهم صعبة تعب موسى هلبا في فترة هديكا وقعد يشتغل في شغل غير قانوني زي تهريب السلاح ويتاجر في الممنوعات وكان هوا بنفسه مسؤول علي الخدمة هادي لين بدت تكبر وتكبر خدمته وحالتهم قعدت ممتازة وبوه يدعم فيه وعنده عادي وطبعا مصباح كان يكره في ولده في عمه وصغار عمه وكان يحكيله في حجات قديمة زي انه قبل مكانوش اماليه يحبو مصباح وكانو يفضلو ديما في محمد وانه بوه ديما مظلوم وحتا لما كبرو انه بوه كتب اغلب الرزق بي اسم محمد ومصباح شويا وانه خوه ضحك عليه هوا وولاده موسى طبعا بدي يكرهم وحاقد عليهم عيلة كاملة برغم انه ميعرفهممش موسى قعد انسان انتقامي وانسان عصبي وانفعالي وهادا كله زرعه فيه بوه
عند الحاج محمد
العارف : يا امنة ياامنة
امنة : نعم
العارف : شني بتروحوا ولا ولا قاعدين
ريمة: نبو نباتو 🥹
عائشة : معندكم علاش بايتين مفيش داعي
ريمة : مصح وجهك تحسابيه الحوش حوشك هادا حوش جدي حبيبتي نجي ونبات امته مانبي
الحاج محمد كان يسمع فيه وهوا في مربوعة وناض يجري
