في حوش الحاج محمد ..
اسمهان : شن بنقولك يا احلام والله منعرف ياودي الموضوع صعب
احلام : غر شوفي ياسومة والله وليدي رايدها ويبيها علاش تقطعو في نصيب لبنية انتم شاوروها وبعدين ماليها إلا الزواج
اسمهان : عيب عليك يااحلام موسى هادا وليدي وعارفته وليد حلال ومايرتفض لاكن والله تعرفي بوها انتي يرعش عليها مضنيش يعطيها من توا
احلام : غر توكلي علي الله وقوليله خلي ميقطعش بنصيب لبنية هالنهار المبروك لقالي فيه ولدي نبي نخطب هيا سلم وخيتي وردي عليا
اسمهان : ان شاء الله اليوم نكلمه حاضر
وسكرت من احلام ومشت لي داريلي كان فيها ولدها سليمان و بوه يهدرزو طبعا سليمان جاي لبوه بروحه
حاج محمد : اني توا نفضي روحي اليومين الجايات وندير دورة علي المصنع
سليمان : اي مدابيك يابوي واني العمال توا نديرلهم راي تطمن
حاج محمد : الله يفتح عليك ... لين خشت اسمهان
سليمان : هي مالا اني نستأذن
اسمهان : اقعد وليدي تغدا معانا
سليمان : يامي هاداكا هوا والله وقت صحيتي
اسمهان : غر قعمز شويا نبيك في موضوع انت وبوك ... قعمز سليمان
اسمهان : قتلك كلمتني احلام توا تبي تخطب لي ولدها
حاج محمد : اي تخطب شن دخلنا احني
اسمهان : رايدين عويشة بنتك
طبعا كانت عائشة تسمع فيهم من بحدا الباب وخايفة من ردة فعل بوها لانه عارفة حيرفض لانه موسى يعتبر كبير شويا وبعض نضر انه بوها ميبيهاش تتزوج اي حد وبالساهل هكي
حاج محمد تنرفز بعض الشي : شن لكلام هادا يامرا تي شن
اسمهان : قتلها يحاج بوها مش حيقبل ودويتلها هيا شادة وكلميه وشوفيه وولدي رايدها وانتي تعرفيه
سليمان : حسيته مش مناسبة ليه اني
حاج محمد : اني هادا ولد خوي وعلي عيني وراسي والله نعزه لاكن هوا مش كبير توا قداش عمره هو
سليمان : 36
حاج محمد : وين هادا كبير عليها البنت صغيرة وبعدين بنتي مش في بابا زواج هي
اسمهان : عليك حشة وخلاص توا كيف بنديرو
حاج محمد : توا بعدين من...
لين رن تلفون محمد والمتصل خوه مصباح 📞
حاج محمد : مصباح هادا
سليمان : اكيد بيقولك علي ولده
حاج محمد : ياعليك قصة وخلاص ... ورد عليه
مصباح : السلام عليكم
حاج محمد : وعليكم السلام كيف حالك
مصباح : بخير والله شن حال العيلة كلهم
حاج محمد : الحمد الله في نعمة
مصباح : قاعد في الحوش ولا
حاج محمد : اي قاعد
مصباح : بندهم عليك شويا هي مالا وتي القهوة
حاج محمد : هي مالا تعالا تلقاني في مقعمز برا ... وسكرو الخط
حاج محمد : ديرو قهوة خلي نطلع مقعمز برا
سليمان : شن يصير به شن بتقوله
حاج محمد : لين نفهم منه اني والله معاش فهمت
سليمان : يصير خير يصير خير هي اني ماشي معا السلامة
اسمهان : تسلم طريقك زينة وليدي .. وطلع سليمان
