الحاج محمد : عويشة بنتي ترا ديريلي طويسة قهوة
عائشة : حاضر يابوي
الجدة اسمهان : غذوة قالو بيجو الكنانين ولولاد
الحاج محمد : ويتفضلو من شادهم
عائشة كانت تسمع فيهم ومعجبهاش انه بيجو عمامها ونساوين عمامها وكلهم دارت القهوة لجدها وجدتها
عائشة : يا امي كانه قتيلهم انه بنطلعو ولا حاجة علاش بيجو غر بنقعدو في الجري والدوشة والتعب
الجدة اسمهان : شن بندير يابنيتي ماهو حوش العيلة ويبو يجو قداش ليهم مجوش
الحاج محمد ساكت ويسمع
عائشة : يجو ومايديرو خير
ناضت عائشة وهيا متكنطية وركبت لي دارها
الحاج محمد : هالبنت واجعتني وكاسرتلي ضهري خايف بعد اني نموت شن يصير فيها كلهم ميعاملوش فيها كويس
الحاجة اسمهان : اكسر الشر يحاج ومعاش تقول هكي بعيد السو عليك ان شاء الله وربي يطول في عمرك ونشوفو صغيورتها
الحاج محمد : ان شاء الله يارب
خلي نعرفكم علي الشخصيات ونعطيكم نبذة بسيطة عليهم
نبدو بي الحاج محمد راجل كبير وعنده 3 ولاد 4بنات
هادا كبير العيلة والكبير الله طبعا صغاره كلهم متزوجين وبصغارهم وكلهم كبار كلهم يخافو منه والكلمة يلي يقولها تمشي ع الكل من كبيرهم لصغيرهم
الحاج محمد عنده خو واحد واسمه مصباح ويلي هوا حاقد علي خوه وميكلمش فيه من سنين علي خاطر الرزق والورث ومن لما توفو امه وبوه وبعد الوفاة بفترة صارت مشكلة كبيرة انه بوه عاطي حصة لمحمد اكثر منه وهوا تبلى علي خوه انه مزور الوصية وكلام هكي ومن هديكا هادا يوم وهاداكا يوم ميعرفش ولا معلمومة عليه غير انه حتا هوا مكون عائلة ويسكن في منطقة بعيدة عليهم
الحاجة اسمهان زوجة الحاج محمد اماليها يسكنو في الشرق وعندها زوز خوات وخو واحد عايش برا
الحاج محمد ولده لكبير اسمه العارف وزوجته امنة
عنده 4 بنات وولد
اسماء / وريمة/ريهام/رزان/ احمد
ولده التاني اسمه سليمان وزوجته نجوى عنده 4 ولاد وزوز بنات
جلال/اصيل/عرفة /محمد
ندى/نادين
ولده الاخير طاهر وزوجته نسرين وعندهم بنت وحدة يلي هيا عائشة طبعا طاهر وزوجته نسرين متوفين بسبب حادث سير وهاداكا الوقت كان عمر عائشة 12سنة بحكم تربت معا جدودها وكانو ليها الام والاب لدرجة تقولهم امي وبوي وخوالها متواصلش فيهم هلبا
اما لبنات
بنته لكبيرة خديجة متزوجة وعندها 3 صغار /مفتاح/جمال/مروة
التانية انتصار متزوجة حتا هيا لاكن ربي مرزقهاش بي صغار
الثالتة زينب متزوجة وعندها زوز ولاد /حسين /حسين تؤام
