فات اسبوع وعائشة كانت نفسيتها تحت الصفر وطبعا موسى متشوفش فيه من يوم لما ضربها جتها صاحبتها شيماء مرة بس وكانت تكلم فيها امها وقعدت متبيش تحسسها بكل
عند العارف...
امنة : شن صار في العرس
العارف : امس كلمني قالي نخلوه نفس الموعد غر نوخرو شهر بس
امنة : باهي خلاص مشيت عزيتهم انت
العارف : اي مشيت وانتم عاودو امشولهم عزو الناس
امنة : اي ان شاء الله
طبعا كانو يحكو علي عرس اسماء وخطيبها لانه عرسها كان بعد شهرين لاكن خطيبها صارلته حالة وفاء فلهادة اجلو العرس
في الدار
ريمة : كساد الزفت قلقت
رزان :اي بكل من عرس عائشة معاش لاطلعنا لاخشينا
ريهام : هيا خطرها معاش سمعنا عليها شي زعما تعزمنا لحوشها خاطري نشوفه
ريمة : اشبح عاد ادير عزومة ولالا اني حايرة فيها نحسيها مزال مش متع زواج هيا حتا الطياب معمريش شفتها اطيب
رزان : النوعية هادي يجيهم لعندهم مش احني 🙂
ريهام : نكلمو بنات عمي سليمان يجونا
ريمة : كلميهم ترا
عند سليمان ...
ندى : قلقت اني امته زعما فضانية سهى
نادين : مندريش بيها مش غدوة عندك جامعة
ندى : اي مخاطريش نمشيي بكل
نادين تلفونها يرن ..
نادين : ايوا اهلين
ريهام : اهلين كيف الحال
نادين : الحمد الله كويسين كيف حالكم انتم وعمي ومرت عمي
ريهام : باهين الحمد الله تعالو عندنا كسدنا تعرفو
نادين : والله منعرف توا نشوف واحد من خوتي
ريهام : خلاص شوفيهم وردي عليا
نادين :تمام ... وسكرت
عند عائشة ...
مقعمزة في الدار وشادة تلفون نتصفح
موسى خش علاها : مفيش غدي
عائشة : لافي ...وناضت خشت لكوجينة
طبعا من يوم ضربتها كلامي معاها محدود جدا حتا نقعد في حوش تقعد تتهرب مني
عائشة حطتله لغدي وجت بتمشي
موسى : تعالي كولي معاي
عائشة باستغراب : لاكول صحتين مخاطريش
موسى بدون ميشوفلها : تعالي سايريني
عائشة قعمزت معاه وكانت اول مرة طبعا يقولي كولي معاي وكان يقولي فيها فوق من نفسه فخاطري منهوا لجبرك مهم يقعمزت معاه وكان يبي يحاول يفتح موضوع
موسى : مكسدة
عائشة : لا عادي الحمد الله
موسى : امم باهي توا بعدين نطلعو
عائشة فرحت هلبا لانها قداش ليها معاش طلعت من عرسها قريب شهر ومعاها
عائشة : تمام به
موسى وهوا ياكل : تعلمي اطيبي راهو معاش اديرهالي الماكلة اهيا
عائشة : شن تبي تاكل يعني مش حجات لنتعلمها
موسى قعد يشوفلها : اسالتك الغبية فوتيني منها
عائشة : شبعت صحيت
عائشة اني مكنتش نعرف نطيب فلهادة ديما ندير في رز ابيض وكانه درت معاه دجاج مزيني حد ولا مكرونة المبكبة هادم لنعرفهم يعني مكنتش نعرف المسقي والحجات التانية والوجبات الرزينة وكان اصلا مياكلش في الحوش اني اساسا مستغربة فيه قعد يروح ويقولي بناكل وهكي وحسيته باهي تغير معاي شويا قعد معاش يحاول يديريلي مشاكل ولا مد يده لاكن طبعا الاعراض قاعدة مرة مرة ينقلب
