دقة الحب فالقلب فايتة دقة المطرقة فالراس
المذكرة 36
مكناس 20/08/1980
عبلة : دابة واش بصح غادي تزوجي ؟؟؟؟ دغيا !!
شريفة: عبلة ! ماتعصبينيش ! اشنو كنشرح لك من الصباح ! هادو جاين غير باش ماما تبرد و تسكت علينا انا و بابا ! راه ماغاديش نقبل غير باش يتسماو جاو الخطاب للدار و صافي !
بثينة : مافهمتش انا هادشي ا شريفة ! هوما جايين يخطبو يعني راكي قابلة ! كيفاش هوما جاين و انت كتقولي ماغاديش تقبلي؟؟
شريفة : (تنهدات) و دابة غير فهموني ! ماما هاد الايام كانت قاطعة الهضرة مع بابا و ديما مدابزة معه حيت كتقوليه انت السبب باش ماكيجيوش الخطاب ! دابة هادو لغادي يجيو غير تعارف زعما و من بعد الى تفاهمنا عاد تكون شي حاجة !
عبلة : اه !! و ماتعرفي يقدر يعجبك !
شريفة : و نااااري ! غادي نتف راسي ! هاد المجية ديالهم غير باش ماما تبقى على خاطرها و باش عماتي يعطيوها شوية التيساع فالهضرة ! اما انا هداك لغادي نديه غادي نختارو انا فهمتي !
بثينة : شريفة ماتعرفي يعجبك ! ياك قاليك باباك قاري !
شريفة : ابدا !! انا لباغاه مازال وقتو و زايدون انا باغة نقرى دابة ماباغاش نتزوج ! وطلقو رجليكم غادي نتعطلو ! مافيا مانسمع غوات المعلمة !
عبلة : (شدات فيها كضحك) و دابة تصوري يعجبك ! هههه ! بثينة غير جبدي قفطانك من باليزة ! واقيلة شريفة غادي تسبق !
شريفة : الله ينجيني ! انا شرحت لكم شنو كاين !
عبلة : (هزات راسها كتشوف) الحوبينو ديالي يكون لداخل دابة !
بثينة : عبلة ! قسما بالله الى عيقتي ! ا صاحبتي شي نهار يكون كيطل او حدا الباب و يسمعك ! مالكي كديري الشوهة !
عبلة : هههه ! اختي سمحوليا نفكركم بلي هاد الدار دخلت ليها و هو شافني و عارفني انا و ماما ! دابة الى تلاقيتو فالطريق نسلم عليه عادي ! راه ولينا معرفة (كترمش بعينيها)
بثينة : غير باقي تقلبي فدوك العينين تماك ! انتوما راك عرفتو جداتو ماشي هو ! وبقاي تحلمي !
عبلة : وا عقلو عليها الى ماديتوش تفلو عليا ! فخباركم جداتو ولات كتقدى من عندنا فالحانوت ! (كدق فباب دار المعلمة وكتشطح بكتافها) غدا يجي هو يتقدى وانا بيدي نمد ليه !
المعلمة : (حلات الباب) اش هاد التعطيلة ! كتفرنسي ! دخلي ا جطيو النح ! زيدو انتوما !
================
فدار المعلمة لداخل عقلي غير مع الخطبة ديال غدا ! او ان صح التعبير التعارف ! منين كنتفكرها كنحس كرهت امي حيت بسبابها باش بابا لقا راسو مجبر يسمع هضرتها غير باش تهز علينا هاد الغمة لدارت لنا فالدار بسبب الموضوع ! من نهار جات اختها و انا كنحس براسي كنخلص ثمن الفضيحة لدارت ! وفكل مرة كنسول راسي انا مالي؟ واش دخلني؟
أنت تقرأ
مذكرات شريفة | Sharifa's Notebook
Aktuelle Literaturاخشى ان استيقظ في الاربعين لأجد انني ضيعت حياتي بسبب خيار خاطئ اتخذته و انا في سن العشرين ....! (د.ا.خ.ت)
