كيبانو لك رجال و هوما غير حوالا
المذكرة 103
ماريا : (ساطت الدخان و طفات الگارو) هادشي علاش تصنتي دابة يا البهيمة (شارت ليها) للفهيمة (شارت ليها و طفات الگارو)
شريفة : (مسحات عينيها)
ماريا : فين هو بعدا هاد هارون ؟
شريفة : فالطاليان !
ماريا : شحال من مرة جا لهنا مورا مارشمك ؟
شريفة : مرة وحدة !
ماريا : شافك ؟؟
شريفة : لا ! ولكن انا شفتو من بعيد !
ماريا : (دوزات لسانها على شفتها كضحك) ايه مزيان ! موراها ماعاودش رجع؟
شريفة : لا ! حيت الناس نشرو عليه ديك الاشاعة ديال عبلة ! و حيت هو اصلا مشا نيشان للطاليان ! وحتى منين كيجي كيكون ففاس تماك دارهم ! هنا كيجي غير على ود جداتو منين كتكون !
ماريا : ودابة كاينة انت ! او لا ؟ (جبدات گارو اخر)
شريفة : كيفاش انا ؟؟
ماريا : (شعلات الگارو) ياك قلتي كيبغيك و كتبغيه و راشمك ! معنيتها ولى دابة عندو سبة اخرى باش يجي لهنا ماشي غير على ود جداتو ! (كتكمي)
شريفة : (تنهدات) حنا ماعندناش هاد قضية ديال نشوفو و يشوفني بلا زواج ! ممنوع و حرام !
ماريا : اااااه حرام !! حتى و يكون معكم محرم حرام؟
شريفة : (زفرات كتشوف فيها بتساؤل) كيفاش !
ماريا : وا مانعرف ديني على قد عقلي (كتكمي) دابة انا باغي وحدة و راشمها ما شفتها ! مادويت معها طول هاد 3 سنين ! هادي هي لا برية لا تيليفون ! و حبو فشكل هدا !
شريفة : حنا ماعندناش هادشي ديال يدوي معايا فالدار او حتى يشوفني او يخرج معايا بلا مانديرو الحلال ديالنا !
ماريا : ههههههه ! الراجل الى دارك بين عينيه يجيبك يجيبك يا بالحلال يا بالحرام ! هدا لناوي الحلال ! كاين شلاااااا طرقان ديال الحلال باش يشوفك او يدوي معك !
شريفة : طريق وحدة كاينة هي نتزوجو ! و انتوما حرمتوها علينا (عينيها غرغرو تاني)
ماريا : (ساطت كتشوف فيها) الراجل لي يقلبك فالدورة بسبب الناس ماشي راجل و انما ولد الق@#$ ! هادشي الى كنت عارفاه كيبغيك اما ادا ماكانش كيبغيك ماتساليه ما يسالك ! و هدا نقطع دراعي
ماكيبغيكش !
شريفة : كيبغيني ! ما قصد دارنا الا و باغيني ! انا كنعرفو عندو شخصية و ماكيخافش ! كن مابغانيش مايرشمنيش !
ماريا : وا يمكن جداتو لبغاتك او مورا مادوا معك فالرشيم ماعجبتيهش ودار بناقص و جداتو خافت من جداتك العقروشة !
أنت تقرأ
مذكرات شريفة | Sharifa's Notebook
Tiểu Thuyết Chungاخشى ان استيقظ في الاربعين لأجد انني ضيعت حياتي بسبب خيار خاطئ اتخذته و انا في سن العشرين ....! (د.ا.خ.ت)
