لي رضى الدل على راسو كيسوسوه ناسو
المذكرة 53
عتيقة : (جاية كتشالي حداها جميلة) السلام عليكم ! المسامحة تعطلت ! (مدات الصاك لفيصل) هاك ا خويا فيصل ! سمحو ليا !
فيصل : (كيحط الصاك فالكوفر) ماشي مشكل !
جميلة : (شافت فعبلة بنظرة ساخرة) سلام ! (شافت فشريفة) شريفة ! حتى انت غادة ؟ ماعندكش القارية ؟
عبلة : ......
شريفة : ........
جميلة : سلام خالتي !
راضية : واعليكم السلام !
جميلة : هارون لباس ! سمحو لينا تعطلنا شوية !
عتيقة : لالة راضية ؟؟؟ نهار كبير هدا ! هي غادي تمشيو معنا ؟
راضية : انتوما لغادين معنا !
عتيقة : هههه ! بحال بحال الله يجعل غير الصحة و السلامة (طلعات للطوموبيل) يالاه جميلة طلعي بنتي باش مانتعطلوش !
هارون : (داخل لدراهم ) انجيب مارسي و نجي !
فيصل : واخة ! (شاف فراضية) امي راضية اجي تركبي انت لقدام !
راضية : لا ولدي ! انت تركب حدا البنات ههه !
فيصل : ههههه ! لا لا انا نركب اللور گاع مع القطة ههه ! راه الكوفر فيه بلايص من غير فين تحط الباليزة !
هارون : (جايب القطة فقفص السفر الخاص بالقطط)
جميلة : (خرجات من الطوموبيل) هارون ! نشدها عندي؟
هارون : لا شكرا ! نحطها اللور !
جميلة : راها كتعرفني ههه ! انا نشدها !
هارون : غادي تشد البلاصة تماك ! ماعليش ! عندها بلاصتها اللور !
عبلة : (ابتسمات زعما بزداك)
جميلة : (حولات فيها عينيها و دخلات الطوموبيل)
فيصل : يالاه ا لالة راضية طلعو !
هارون : (حط القطة اللور و سد موراها)
شريفة : امي لالة تجلسي جهة الشرجم؟
عتيقة : لالة راضية ياكما بغيتي تجلسي حدا الشرجم ! انا حيت كندوخ داكشي علاش !
راضية : حتى انا ماقلت والو !
عتيقة : لا لا ويلي ! جميلة ! اجي ا بنتي الله يرضي عليك خلي لالة راضية تجلس فبلاصتك !
فيصل : لالة راضية ! اجي جلسي القدام حدا هارون انا غادي نجلس اللور گاع !
راضية : ا لا ولدي ! حشومة ! انا خاصني نجلس البنات بعدا هوما الاولين!
شريفة : انا نجلس اللور ماشي مشكل !
أنت تقرأ
مذكرات شريفة | Sharifa's Notebook
General Fictionاخشى ان استيقظ في الاربعين لأجد انني ضيعت حياتي بسبب خيار خاطئ اتخذته و انا في سن العشرين ....! (د.ا.خ.ت)
