📍 مكناس 2024
صابرين وصلات لمحطة القطار ! اليوم غادي ترجع بحالها لمدينتها
الرباط! كان من المقرر حتى يدوز اسبوع عاد ترجع ! فالخدمة عطاوها 3 ايام ديال عطلة من اجل جنازة امها وخدات ادن تكمل اسبوع و يقطعوه ليها من رصيد عطلتها المقبلة !
قبل ما تركب اتصلات بغزلان باش تعلمها ! كونها رجعات دابة من احل تشوف رضى الرجل لكتبغيه و عندها علاقة معه هادي عامين ! رضى بيلوط و البارح سيفط لها ميساج انه فالرباط لهذا قررات ترجع اليوم !
[اتصال هاتفي]
غزلان : وا صابرين مافهمت والو دابة ! كنت مزال كنتسناك دوزي عندي و ندير لك شوية ديال الملوي و قريشلات تديهم معك ! بيناتنا غير دريبة ! انا قلت غا تجي من مولاي ادريس دوزي عندي نيشان ! واش عيطو لك الخدمة او شي مشكل تماك؟
صابرين : لا ماكاين حتى مشكل غير خاص نرجع يالاه نقاد شوية الدنيا تماك ! منين دخلات امي ل hôpital وانا هاملة الدار ! وراك شفتي موراها جينا نيشان هنا ! (تنهدات) دابة نرجع انشاء الله ! ضروري ! المهم انت ماتشطنيش راسك و انا هاد المرة غادي ندوز نيشان عندك ! وعد !
غزلان : واخة ! وا الله يديك على خير و اتاصلي بيا من توصلي
صابرين : ضروري ؛ انشاء الله !
-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ-ـ
المذكرة 45
اي هضرة كتقال كيتيقو بيها و يصفقو لها
مكناس 15/09/1980
دازت 15 يوم على موت خالة هارون ! هاد الايام دازت تقيلة على القلب و بلا طعم ! هارون داوه اصحابو فرحلة يمكن يفوجو عليه و ينسيوه الحزن على خالتو ! امو و خالتو رجعو بحالهم هادي سيمانة ! و اليوم مشات امراة كمال لكانت جالسة مع جداة هارون بسبب الدخول المدرسي لاولادهم ! حاليا بقات جداة هارون و معها حليمة امراة خوها جالسة معها فالدار و القطة ديال هارون !
هاد الخبار جبتها من عند جداتي لولات كتزورها كل مرة فالدار ! زد عليه سعيدة اماين عبلة حتى هي كتمشي عندها ! و خلاص عتيقة ولات حاسبة نفسها من العائلة كل مرة خارجة من عندهم !
جداة هارون باقة مرفوعة بموت بنتها لهذا مابقات كتعرف لا لي داخل و لا خارج من الدار و كل مرة تمشي عند بنتها تزورها ! اولادها عياو فيها ترجع والو ! و غير ولدها كمال لي كل سبت كيجي يطل عليها مرة بوحدو مرة مع اولادو ! خافو عليها بزاف و كيقلبو على حل لهاد المسألة !
فالدار عندنا الامور هانية ! هاد الايام خالتي ماريا كذلك غابرة و ماما ارتاحت نفسيا ! ماعرفانش واش مشات بحالها فخطرة او مازال غادي ترجع المهم عندنا اننا ارتاحينا من خوف و نگير و تحكار امي عليها !
أنت تقرأ
مذكرات شريفة | Sharifa's Notebook
General Fictionاخشى ان استيقظ في الاربعين لأجد انني ضيعت حياتي بسبب خيار خاطئ اتخذته و انا في سن العشرين ....! (د.ا.خ.ت)
