حبل الكذب قصير
المذكرة 87
البارح شدينا سيمانة ديال العطلة من دار المعلمة ! ولحد الان ماجاتش عندي عبلة ! لقيت راسي بلا هوايا نضت نمشي عندها ! ضرني راسي و بغيت نعرف اش بغات منها كلثوم و فين مشاو !
===============
سليمة : (حلات الباب) شريفة ! بثينة جات عندك ! (شافتها لابسة جلالة) فين غادة !
شريفة: كنت غادة عند عبلة ! بثينة هنا ؟ بوحدها ولا معها عبلة !
سليمة : بوحدها ! تهبطي ولا نقولها تطلع عندك !
شريفة : قولها تطلع عندي هنا احسن !
سليمة : ااه و شوفي ! (قربات ليها) كيف العادة ! مازال ماكاينة حتى حاجة / بابا ماباغيش/ شادين الخاطر لامي لالة / صافي؟ باش ا بنتي ما يتبعوكش فيه ! العين علينا حق !
شريفة : ماتخافيش ا ماما !
سليمة : و انا وصيتك (خرجات مشات)
بثينة : (دقات و خلات الباب) سلام ! خاصك شي ضياف !
شريفة : ههههه ! (عنقاتها) على سلامتك ! (كتسلم عليها) توحشناك ! هادي هي غادي ندوز صيف كلو معكم ! ههه !
بثينة : ههه ! وهاد سيمانة و خطفتها بزز ! راك غاية انت ؟
شريفة : هاي هاي ! اش هاد غاية عاود ! تعلمتي الوجدية !
بثينة : وراني وجدية اصاحبتي هههه !
شريفة: ولكن كبرتي هنا ! محسوبة على هضرتنا اختي !
بثينة : ههههه ! (جلسات فوق السرير) دابة محسوبة على راجلي اختي !
شريفة : ياااك ! صافي حتى انت غادي تولي من صحابات راجلي راجلي !
بثينة : و ها انت خالطة عليا !
شريفة : (جمعات الضحكة) اودي ! مازال مادرنا فالطاجين ما يتحرق غير هضرة و صافي !
بثينة : صراحة والله ما توقعت انت تدي هارون فالاخير ! (نعسات فيها عينيها) درتيها بينا !
شريفة : لا لا بثينة ماتفهميش غلط حتى انت ! راه باقي ماكاين والو غير جداتي و جداتو لداوين ! وانا مازال كنفكر !
بثينة : هارون كامل ا شريفة و كتفكري ! هههه !
شريفة : هه ! لا واخة ! خاص نقتنع بيه بعدا فشخصيتو و عقلو عاد نشوفو شي لاخور !
بثينة : وياك صافي تخطبتو ! او غير كدوب ؟؟
شريفة : خطبة ؟؟؟ هه ! شكون قالها لك ! راه غير تعارف !
بثينة : و هادشي لقالت لي ادريسية من تلاقيتها ! و ماشي غير هي كلشي كيقول راكي مخطوبة لولد اصيلة ! انا جيت البارح ا صاحبتي و وصلاتني الخبار و انت مولات الخبار ما فراسك والو هههه !
أنت تقرأ
مذكرات شريفة | Sharifa's Notebook
Fiction généraleاخشى ان استيقظ في الاربعين لأجد انني ضيعت حياتي بسبب خيار خاطئ اتخذته و انا في سن العشرين ....! (د.ا.خ.ت)
