الحيط الراشي معندك لاش تعليه
المذكرة 108
ماريا : (على سماعة الهاتف) اا ومنين يجي سعيد وصيه يسول مول السلعة واش خرجات من ديوانة صافي؟؟....ايه..ومانقدرش دابة...مانقدرش... يالاه....و 10 يتسد الصالون ا نجية....لي صاوبات تخرج تق@# ماشي تبقاو مجمعين ليا تماك....! يالاه....صافي...وا صافي....واخة...وردي عليا باش ماكان...اولى هو يتاصل بيا....مازال ماعرفت.... وصافي ا نجية ها العار ماطلقيني دابة ...يالاه سلمي على البنات....بسلامة.. (قطعات و رمات عينيها لشريفة لكتبكي و تمسح عينيها فقلب المرح)
شريفة : (كتمسح عينيها حانية راسها)
ماريا : دابة أنا واش والداك و ناسياك ؟؟ فينما تبغي تهرني تمي قاصداني؟
شريفة : ....
ماريا : ا لالة جاوبيني راه حرمتي عليا سفر دابة و انا عندي مايدار ! واش غادي نبقاو هنا !
شريفة: سمحي ليا ا خالتي (كتنخصص) سمحي ليا !
ماريا : وخليني من التنخصيص دابة ! كيفاش بغاو يزوجوك بزز ! امك هادي اولى اباك؟؟ اولى ديك العقروشة؟
شريفة : (كتمسح عينيها) ماما و لكن هاد المرة بابا طاوعها ! اما امي لالة مابغاتش ولكن حيت مريضة ماقدراتش توقفهم !
ماريا : صافي تهدات ؟ الحمد لله ياربي ! ودابة انا لاش جاية عندي ! اش غادي ندير ليك ؟
شريفة : ماعندي فين نمشي ! و خفت منهم ! خصوصا ماما غادي تقتلني اليوم حيت غوت على العريس ! (كتبكي) انا مابغيتوش ! هوما بغاو يزوجوني مورا 10 ايام (كتنخصص) وانا ماكنعرفوش و ماحملتوش !
ماريا : (تنهدات و جبدات الگارو) انا باينة امي ولداتني فبيت الما (شعلات الگارو) فينما كانت شي خر@# كتطلى فيا !
شريفة : ......
ماريا : هاد الخر@# ديال امك واش جهلات اولى مالها ! الى كانت هي و تزوجات لي باغة لاش تزوجك انت بزز ! (كتكمي)
شريفة : (كتمسح نيفها) قالت ليا كبرتي و غادي يقولو عليك منحوسة او معيوبة ادا ماتزوجتيش !
ماريا : (رفعات صوتها بالضحك كتزفر الدخان) معيوبة ياك ! (تنهدات وكاتمة الغيض) المكلخة الاخرى ! ماعندهاش مشكل بنتها تضيع حياتها مع واحد ماباغاهش المهم مايهضروش فيها الناس و تلقى باش تفايش عليهم ! هه ! عقلية ديال القل#$$ ! امك كتعبد الناس هادشي علاش غادي تبقى مقو## عليك حياتك كاملة !
شريفة : خالتي (كتمسح عينيها) شنو ندير دابة ! فيا الخلعة !
ماريا : (كتسوط) دابة نوضي غسلي وجهك و جي تكاي هنا ! يودن العشا و نقصد اباك !
شريفة : خالتي غادي يقتلني لا هو لا ماما ! ماتقوليش ليهم انا هنا عفاكي!
ماريا : وشنو غادي تبقاي مخبية عندي هنا ! تالاين ؟؟؟ ضروري يعرفوك فين كاينة ! انما خليهم يتخلعو شوية منين يطيح الظلام و ماترجعيش ! ونيت يكونو دوك الخطاب قو@#$ بحالهم !
أنت تقرأ
مذكرات شريفة | Sharifa's Notebook
General Fictionاخشى ان استيقظ في الاربعين لأجد انني ضيعت حياتي بسبب خيار خاطئ اتخذته و انا في سن العشرين ....! (د.ا.خ.ت)
