قلبك هشيش و مخك عامر بالخشيش
المذكرة 113
(خارج اطار حكي شريفة)
كلثوم : و دابة انت جاك هادشي عادي ا جميلة !! ماغادي ديري والو !!!!
جميلة: واش بغيتيني ندير ! الى بغاها الله يسهل عليه !
كنزة : وياك قلتي مريضة فعظامها و مشيرة ! علاش خالتك ماقالتش هاد الهضرة ليهم ! فراسو هو بعدا !
جميلة: ختي انا وخالتي حيدنا على رقبتنا وقلنا لحليمة ! هو يمكن قابل عليها هاكاك مريضة باش يدير الخاطر لجداتو !
كنزة : (كتشوف فيها باستغراب مامقتانعاش بهضرتها)
كلثوم : اويلي ا جميلة واش كدوي بعقلك دابة؟؟؟ اوييييلي ! هادو باينة دارو ليه شي سحور ! مايمكنش يبغيها غير هاكاك ! خاص خالتك تقولها لحليمة !
كنزة : ياك امو قلتو ماباغاهاش !! زايدون جاتني عجب انا يتفكرها من دون البنات ! اصلا جداتو ماتت دابة علاش غادي يبزز راسو بيها ! جاني هادشي غير تخرعببق انا ! يمكن بصح باغيها حتى هو !
جميلة : (ببرود مصطنع) يمكن ! حتى هي لي خطبها كتهرب ليه! باينة كيبغيو بعضياتنم و كانو مخبينها (فرحات بتصنع) الله يكمل عليهم بخير!
كلثوم : اوييييييلي ماتحمقونيش ! واش بان لكم هادشي عادي ؟؟؟
جميلة : صراحة ماشي عادي ولكن راه كلشي باين ! هي اصلا راه مخبية عند خالتها ماعرفتش شكيت انا تكون شي حاجة !
كنزة : ياك قالو معيوبة ! راسي داخ ! واش دابة هي حمقة اولى معيوبة اولى شنو ! و دابة عند خالتها جالسة ! و هدا هارون ولى باغيها ! مافهمتش انا ! يمكن كلثوم عندها حق ! هدا شي سحور دايرينو !
كلثوم : والله حتى سحور ! (شافت فجميلة) ياك قالو لخالتك شافوها هي و امها خارجين من الفقيه ! هادشي هو ماعارفوش ! و ماعارفش داوها للطبيب يقلبوها ! اويلي راها مشوهة ! واش هدا طاح على راسو !
كنزة : صراحة كنت كنشوف هارون كبير ! ادا خدا شريفة بهادشي كلو لفيها نعرفو عامر على الخاوي ! مايستاهلش داك النظرة لكنا واخدين عليه!
جميلة : (بحزن متصنع) صراحة عندك الحق ! انا راه سمعت و الله اعلم كيقولو مخبية عند دار خالتها حيت حاملة !! و الله اعلم عاود مانديوش التقليد !
كنزة : اويلي ! شكون قالها ؟؟؟؟
جميلة : (هي اصلا لي اخترعاتها) و مانعرف ! راك كتعرفي الهضرة كتبقى غادة من واحد لواحد و تاتوصل لخالتي ! ولكن مانظنش !
كلثوم : وحق الله البنات حتى كنت شاكة ديك ورقة طبيب كدوب و ماشي عزبة ! و دابة راه بصح بالعقل الى فكرنا علاش مشات لدار خالتها؟؟ حيت هادي خالتها ماكيدوي معها حد ماكيمشي عندها حد ! ماشي بحال دارهم كيجيو عندهم الناس و العائلة ! فهمتو؟؟؟
أنت تقرأ
مذكرات شريفة | Sharifa's Notebook
Ficção Geralاخشى ان استيقظ في الاربعين لأجد انني ضيعت حياتي بسبب خيار خاطئ اتخذته و انا في سن العشرين ....! (د.ا.خ.ت)
