📍 الرباط | 2024
[اتصال هاتفي]
صابرين : واش انت بخير؟ رضى نجي عندكم دابة؟
رضى : non non ! C'est pas la peine ! دوخة خفيفة و دازتها ! Tu sais très bien son histoire du tension ! ولفناها دابة !
صابرين : وعلى هادشي خفت انا ! حيت ماما الله يرحمها tension ديما كان طالع ليها و هو سبابها ! هادشي علاش والله حتى تفكرتها دابة و تخلعت !
رضى : لا ماتخافيش ! Son médecin ضبط الامور ! الحمد لله دابة مزيانة !
صابرين : الحمد لله ! ماتشوفو فيها باس !
رضى : merci chérie ! شوف صابرين ! دابة tu sais ماغاديش نقدر نشوفك غدا حيت راكي عارفة خاصني نجلس معها شوية و موراها كنفكر نديها لcasa ! تفوج شوية ! الطبيب قاليا خاصنا نتهلاو ف son état psychique ! هادشي علاش غير سمحي ليا حبيبي ! La prochaine fois والله حتى نعوضها ليك !
صابرين : ماشي مشكل ا رضى ! ماماك هي الاولى ! انا عارفة بحق الوالدين ! هادشي علاش حتى لويكاند و نتشاوفو ادا ولات لباس !
رضى : شوفي حبيبي ! خليني نرصي مع الواليدة موراها عندي شغل نقضيه و نرد عليك ! حيت la semaine prochaine عندي un vol ! وماغادي نرجع حتى la 3eme semaine du mois !
صابرين : (تنهدات) واخة ! ماشي مشكل ! رضى ..... انا توحشتك و فهاد الايام و الله حتى محتاجة ليك ! منين جيت ماخرجت و حتى ديك الخدمة كنفكر نخرج منها !
رضى : شوفي غادي نقاد لك وقتك promis و موراها و عاودي ليا علاش بغيتي تخرجي من الخدمة ! En attendant ما تزربيش حتى ندوي معك صافي ؟
صابرين : واخة !
رضى : allé حبيبي حتى نشوفك ! Gros bisou !
==================
المذكرة 68
ندي لبغيت انا ماشي لبغاوني هوما
فاس / 1980
هاد الصباح صبحنا فالحمام ! اربعة بينا فقط ! راضية قالت لعتيقة و جميلة يمشيو مع حليمة بالعشية ! المهم لقات تخريجة باش مايمشيوش معنا !
الحمام كبير و زوين ! وباين غالي ! العيالات لي الداخل فكروني فالعيالات لي جاو للعشا ! نفس النفخة و نفس الغرور شاد كل وحدة ! كل وحدة و برمتها هنا ماكاينش تعمر الما و تجيبو ! كلشي متول فالحمام الفاسي !
كنحك داتي و راسي مرفوع كيفاش غادي ندخل عبلة و نجبد معها الموضوع منين نرجعو ! هي فرحانة و لالة اصيلة فلاتها بعينيها ! والصراحة فلاتني حتى انا ! هنا عرفت بلي بالصح باغة عبلة لهارون و مشات بعيد فأنها تشوف حتى كسدة العروسة كيف دايرة !
تساءلت واش المراة ساوية غير كسدة ! انا عمرني سمعت اب مشا مع عريس للحمام باش يشوفو واش مقاد و كلشي عندو هو هداك على ود بنتو ! الرجال كيفما كانو ماكيتعابوش يكونو غير بفلوسهم ! اما المراة فزمانا ساوية زواج فقط ! قراي خدمي وصلي للقمر منين تبغي تزوجي ماغاديش يشوفو هادشي ! حتى واحد ماغادي يفلي دماغك شنو فيه و انما غادي يجيبوك للحمام يفليو كسدتك كيف دايرة !
أنت تقرأ
مذكرات شريفة | Sharifa's Notebook
General Fictionاخشى ان استيقظ في الاربعين لأجد انني ضيعت حياتي بسبب خيار خاطئ اتخذته و انا في سن العشرين ....! (د.ا.خ.ت)
