{ Unicode }
" ရော့ ဂျီဂျီယူထားလိုက်...."
" ဟင် အဲ့ဒါ ကိုကို့မုန့်လေ...."
" ကိုကို မကြိုက်လို့လေ ဂျီဂျီလေးစားလိုက်...."
ယွန်းဂီရဲ့စကားကြောင့် ဂျီမင်က ချစ်စဖွယ်ပြုံးပြပြီး ယွန်းဂီပေးတဲ့ မုန့်ကို ယူလိုက်လေတယ် ။ တကယ်တော့ ယွန်းဂီ ထိုမုန့်ကိုမကြိုက်တာမဟုတ်ပဲ ဂျီမင်အတွက် သက်သက်သိမ်းထားချင်းပင်ဖြစ်လေတယ် ။
ဆရာမကြီးက ထမင်းစားပြီးချိန်တိုင်း သူတို့အတွက် မုန့်တစ်ယောက်တစ်ထုပ်ပါ အချိုပွဲအဖြစ်ပေးလေ့ရှိတယ်လေ ဒါကို ယွန်းဂီ မစားပဲ ဂျီမင်ကိုသာ အမြဲပေးတတ်လေတယ် ။
" ကိုကို ဂျီဂျီ့ကိုချစ်လားဟင်...."
အသက် ၈ နှစ်ကျော်ပြီဖြစ်သော်လည်း အခုထိ ပါးဖောင်းလေးနဲ့ ချစ်ဖို့ကောင်းနေတဲ့ ဂျီမင်ရဲ့ ပါးလေးကို ယွန်းဂီ ဆွဲညှစ်လိုက်မိလေတယ် ။
" မေးစရာလိုသေးလို့လား ဂျီဂျီလေးရဲ့...."
အခုဆိုရင် သူတို့ခင်နေတာ ၃ နှစ်ကျော်ပြီဖြစ်ပေမယ့် ဂျီမင်ဟာ ဒီမေးခွန်းကို ခနခနမေးတတ်လေတယ် ။
" လိုတယ် လိုတယ်...."
နှုတ်ခမ်းလေးစူကာ ဂျီကျနေပြန်တဲ့ ပါးအိအိလေးကို နမ်းလိုက်တော့ ချက်ချင်းပင် မျက်လုံးတွေပိတ်သည်အထိ ပြုံးနေပြန်လေတယ် ။
" ကိုကိုက ၁၈ နှစ်ပြည့်ရင် ဒီဂေဟာကနေ ထွက်သွားရမှာနော်... အဲ့ဒီအချိန်ကျရင် ဂျီဂျီ့ဆီလာမယ်မလား...."
" လာမှာပေါ့ ဂျီဂျီလေးရဲ့ ကိုကိုက ပိုက်ဆံစုပြီးရင် ဂျီဂျီ့ကိုပါခေါ်ထားမှာ...."
" အဲ့ဒါကြောင့် ကိုကို့ကိုချစ်တာ... ဂျီဂျီ့အတွက် ကိုကိုကသာ အကောင်းဆုံးပဲ..."
နှစ်အနည်းငယ်ကြာပြီဖြစ်တာကြောင့် မိဘတွေကို အရင်ကလောက်မတမ်းတတော့တဲ့ ဂျီမင်ဟာ ယွန်းဂီကိုတော့ တော်တော်လေးတွယ်တာလာလေတယ် ။
ယွန်းဂီကလည်း ဂျီမင်ကို တကယ့်ညီအရင်းလေးလိုပင် ချစ်ခင်ကြင်နာနေမိတယ်လေ ။ ဂျီမင်ဖြစ်ချင်တာမှန်သမျှဖြည့်စည်းပေးတတ်သလို အမြဲလည်းအလျှော့ပေးတာကြောင့် သူတို့နှစ်ယောက်ကြားမှာ စိတ်ဆိုးစိတ်ကောက်တာလေးတောင် မရှိပေ ။
YOU ARE READING
Forever Love
Fanfictionအချိန်တွေဘယ်လောက်ပဲကြာသွားပါစေ ကျွန်တော်တို့ တစ်ယောက်ကိုတစ်ယောက်ချစ်တဲ့အချစ်တွေက ပျက်စီးသွားမှာမဟုတ်ပါဘူး အခ်ိန္ေတြဘယ္ေလာက္ပဲၾကာသြားပါေစ ကြၽန္ေတာ္တို႔ တစ္ေယာက္ကိုတစ္ေယာက္ခ်စ္တဲ့အခ်စ္ေတြက ပ်က္စီးသြားမွာမဟုတ္ပါဘူး
