{ Unicode }
ဘာလိုလိုနှင့် သူတို့သားအဖရဲ့ဘဝထဲကို မင်မင် ရောက်လာတာ တစ်လနီးပါးကြာနေပြီဖြစ်လေတယ် ။ ဒါကြောင့် သူတို့ မိသားစုဝင်တစ်ပိုင်းတောင်ဖြစ်နေခဲ့ပြီဖြစ်သလို သူတို့သားအဖနှစ်ယောက်လုံးကလည်း သံယောဇဉ်တွယ်နေကြပြီဖြစ်လေတယ် ။
" ကိုကိုရေ... ဂီဝန် ပူတင်းစားချင်တယ်...."
" လုပ်ပေးမှာပေါ့ ဂီဝန်လေးရဲ့...."
" ဂီဝန်လည်း အတူတူကူလုပ်မယ်လေ..."
" ဒါဆို သွားကြမယ်လာ..."
အခုလည်း နှစ်ယောက်အတူထိုင်ကာ ကာတွန်းကြည့်နေရာကနေ သားက ပူတင်းစားချင်တယ်ပူဆာတော့ ချက်ချင်းပင်ထလုပ်ပေးရှာလေတယ် ။ မင်မင်ရောက်ပြီးကတည်းက သားက ယွန်းဂီကိုကပ်တဲ့အချိန်တောင် နည်းသွားခဲ့တယ်လေ ။
အရင်ကဆို ဒီလိုပိတ်ရက်မှာ ယွန်းဂီ ဘာအလုပ်မှမလုပ်ပဲ သားနဲ့အတူ ဆော့ကစားရင်းသာ အချိန်ကုန်ခဲ့ရတယ် ။ အခုတော့ သားက သူ့ထပ်ပိုပြီး မင်မင်နဲ့အတူ ဆော့ကစားချင်နေတာကြောင့် ယွန်းဂီက သူတို့အနားမှာထိုင်ရင်း အလုပ်လုပ်နေခဲ့ရတယ် ။
အခုလည်း နှစ်ယောက်အတူ ပူတင်းလုပ်ရန်ထွက်သွားကြတာကြောင့် ယွန်းဂီ အနောက်နေ လိုက်ကြည့်မိလေတယ် ။
" ဂီဝန် ဒီကြက်ဥတွေ ခေါက်ပေးမယ်နော် ကိုကို...."
" ဂီဝန်လေးက လုပ်တတ်လို့လား...."
" လုပ်တတ်တာပေါ့ ကိုကိုရဲ့ ပေး ဂီဝန်လုပ်မယ်..."
သားက ချက်ချင်းပင် ကြက်ဥတွေဖောက်ထည့်ထားတဲ့ဇလုံကို မင်မင်ဆီက လှမ်းယူပြီးနောက် ခက်ရင်းနဲ့ခေါက်ပေးနေလေတယ် ။ မင်မင်ကတော့ ဂီဝန် ဖိတ်မှာစိုးတာကြောင့် ဘေးကနေကြည့်ပြီး ဇလုံကိုကိုင်ထားပေးလေတယ် ။
ရက်တွေကြာလာသည်နှင့်အမျှ မင်မင်ဟာ စိတ်ထားကောင်းတဲ့ ကောင်လေးတစ်ယောက်ဆိုတာကို ယွန်းဂီသိလာရလေတယ် ။ အရင်က ဘယ်လောက်တောင် အလုပ်တွေ ပင်ပင်ပန်းပန်းလုပ်ခဲ့ရသည်မသိ မင်မင်ကို စတွေ့တုန်းက အသားတွေညိုပြီး ခပ်ပိန်ပိန်လေးဖြစ်လေတယ် ။
အခုတော့ ယွန်းဂီတို့အိမ်ကိုရောက်ပြီး တစ်လအကြာမှာပဲ အသားဖြူလာသလို ပြည့်ပြည့် ဖြိုးဖြိုးလေးလည်းဖြစ်လာတာကြောင့် ပိုလို့ချစ်စရာကောင်းလာလေတယ် ။
YOU ARE READING
Forever Love
Fanfictionအချိန်တွေဘယ်လောက်ပဲကြာသွားပါစေ ကျွန်တော်တို့ တစ်ယောက်ကိုတစ်ယောက်ချစ်တဲ့အချစ်တွေက ပျက်စီးသွားမှာမဟုတ်ပါဘူး အခ်ိန္ေတြဘယ္ေလာက္ပဲၾကာသြားပါေစ ကြၽန္ေတာ္တို႔ တစ္ေယာက္ကိုတစ္ေယာက္ခ်စ္တဲ့အခ်စ္ေတြက ပ်က္စီးသြားမွာမဟုတ္ပါဘူး
