{ Unicode }
" မြေးလေး နေလို့ကောင်းရဲ့လား...."
" ဟုတ်ကဲ့ ကောင်းပါတယ် အဖိုးရဲ့ ဘာဖြစ်လို့လဲဟင်...."
" အခုတလော မြေးရဲ့မျက်နှာကြည့်ရတာ ညှိုးနေသလိုပဲမို့လို့ နေကောင်းရဲ့လားလို့...."
" ကောင်းပါတယ် အဖိုးရယ်... ဒီရက်ထဲဆိုင်မှာလူကျတော့ ပင်ပန်းနေလို့ပါ...."
တကယ်တော့ ယွန်းဂီရဲ့အိမ်က ပြန်လာကတည်းက ဂျီမင် စိတ်တွေမကောင်းဖြစ်နေရတာလေ ။ စိတ်ထဲနေလို့မကောင်းတော့ လူကပါညှိုးနွမ်းနေမိတယ် ။ အဖိုးကို ဒီအကြောင်းပြောပြရင် စိတ်မကောင်းဖြစ်နေမှာစိုးတာကြောင့် မပြောဖြစ်တော့ဘူးလေ ။
အဖိုးကို စိတ်ဆင်းရဲစရာတွေမတွေးစေချင်တော့ပေ ။ ဒါကြောင့် အခုလည်း အဖြူရောင်မုသားကိုသာ သူသုံးလိုက်မိလေတယ် ။
" ဂီဝန်လေးရော နေကောင်းသွားပြီတဲ့လား...."
" ဟုတ် ကောင်းသွားပြီနဲ့တူပါတယ်... ကျွန်တော်လည်း ဒီရက်ထဲမအားတော့ မဆက်သွယ်ဖြစ်ဘူးဖြစ်နေတာ...."
" အေးပါကွယ်... အခုလည်း ပင်ပန်းလာတယ်မလား စောစောနားနော် မြေး...."
" ဟုတ်ကဲ့ အဖိုး...."
အဖိုးကိုအခန်းထဲပို့ပြီးနောက် ဂျီမင် ဧည့်ခန်းမှာ တစ်ယောက်တည်းထိုင်နေခဲ့မိတယ် ။ ဒီရက်ထဲ သူနဲ့ကိုကို ကောင်းကောင်းအဆက်အသွယ်မလုပ်ဖြစ်ပေ ။ ကိုကိုကလည်း သူ့ကိုတစ်နေ့မှတစ်ခါလောက်ပဲဖုန်းဆက်သလို ဖုန်းပြောတဲ့အချိန်မှာလည်း သတိရကြောင်းပဲပြောပြီး ဂီဝန်နဲ့ပတ်သတ်တာဘာမှမပြောပေ ။
ဒါကြောင့် ဂျီမင်လည်း မမေးမိပေမယ့် ဂီဝန် သူတို့ကိုလက်မခံနိုင်ဖြစ်နေတုန်းပဲဆိုတာ သိလိုက်လေတယ် ။ ကိုကိုတစ်ယောက် ဂျီမင်နဲ့ဂီဝန်ကြားမှာ စိတ်ညစ်နေမှာကို စိုးရိမ်မိသလို ဂီဝန့်ကိုလည်း စိတ်ဒဏ်ရာမရစေချင်မိပေ ။ ဂီဝန်ဟာ စိတ်ဒဏ်ရာရဖို့အတွက် အရမ်းကိုငယ်ရွယ်လွန်းသေးတယ်လေ ။
ဂျီမင်ရဲ့အခုလက်ရှိအခြေအနေက ဆုပ်လည်းစူး စားလည်း ရူးဖြစ်နေတယ်လေ ။ ကိုကို့ကိုမစွန့်လွှတ်နိုင်သလို ဂီဝန်လေးကိုလည်း သနားမိတယ် ။ ဒါကြောင့် ဘာဆက်လုပ်ရမလဲဆိုတာကို နေ့တိုင်းအတွေးများနေရလေတယ် ။ ဖြစ်နိုင်ရင်တော့ ကိုကိုရယ် ဂီဝန်လေးရယ်နဲ့အတူ ပျော်စရာ ဘဝလေးကိုလိုချင်မိပေမယ့် ဖြစ်နိုင်ပါ့မလားဆိုတာကိုတော့ သူကိုယ်တိုင် မတွေးတတ်နိုင်အောင်ပင်ဖြစ်နေလေတယ် ။
KAMU SEDANG MEMBACA
Forever Love
Fiksi Penggemarအချိန်တွေဘယ်လောက်ပဲကြာသွားပါစေ ကျွန်တော်တို့ တစ်ယောက်ကိုတစ်ယောက်ချစ်တဲ့အချစ်တွေက ပျက်စီးသွားမှာမဟုတ်ပါဘူး အခ်ိန္ေတြဘယ္ေလာက္ပဲၾကာသြားပါေစ ကြၽန္ေတာ္တို႔ တစ္ေယာက္ကိုတစ္ေယာက္ခ်စ္တဲ့အခ်စ္ေတြက ပ်က္စီးသြားမွာမဟုတ္ပါဘူး
