ခြွေညို့နိုင်လွန်း သူ
or
အခန်း (၃) ဖိုက်တာလို ချွေးမ
.
" ငါ အဆင်ပြေရဲ့လား... ဇင်လင်း "
ရွှေညို, တက္ကစီပေါ်ရောက်တာနဲ့ ဝတ်ထားတဲ့ အဝတ်စား အဆင်ပြေမပြေ သူငယ်ချင်း ကို မေးရသည်။
" အဆင်ပြေပါတယ်။ ဘာဖြစ်လို့ မေးတာလဲ "
" ငါ့ စကပ်ကနည်းနည်းတိုနေသလို ထင်မိလို့လေ "
" မတိုပါဘူး။ဒီစကပ်အတိုအနေက နင်ဝတ်နေကျအတိုင်းပဲ။အဆင်ပြေပါတယ် "
ရွှေညိုနှင့် ဇင်လင်းမှာ မွေးနေ့ကျင်းပွဲ ကျင်းပတဲ့ သူဌေးရဲ့အိမ်ကို တက္ကစီငှားစီးပြီး သွားနေကြတာပဲ ဖြစ်သည်။
ရွှေညို,က အဝတ်စားကိုဆိုရင် ပေါ့ပါးလွတ်လပ်မှုရှိတာတွေကိုသာ ဦးစားပေး၍ ဝတ်ဆင်သည်။နေ့တိုင်း သတင်းအတွက် ပြေးလွှား၊လှုပ်ရှားနေရတဲ့
အလုပ်နေရာမှာတော့ ဂျင်းဘောင်းဘီအပွတွေ၊အကြပ်လေးတွေကို တီရှပ်တွေနဲ့ လူငယ်ဆန်ဆန်လေး အဝတ်များသည်။စကပ်ကိုတော့ အလုပ်မှာ သိပ်မဝတ်ဖြစ်ပေ။
ဒီနေ့ပွဲကိုတော့ ဂျင်းဘောင်းဘီအစား၊ဒူးအပေါ်နားအထိလောက်အရှည်ရှိသည့် ဂျင်းစကပ်အနက်လေးကို အဖြူရောင်တီရှပ်လေးနဲ့ ဝတ်လာတာဖြစ်သည်။ရှူးဖိနပ်အဖြူလေးကို စီးထားပြီး၊ကျောအလယ်အောက်နားထိ ရှည်နေပြီဖြစ်တဲ့ ဆံနွယ်တွေကို ညို,က နှစ်ဖက်ခွပြီး ကျစ်ဆံမြီးလေးကျစ်ထားတာပဲဖြစ်သည်။
မိတ်ကပ်ပါးပါးလေးသာလိမ်းခြယ်ထားပြီး၊ပန်းရောင်ဖျော့ဖျော့လေးဆိုးထားတဲ့ ရွှေညိုရဲ့... အသွင်အပြင်က ချစ်စဖွယ်မိန်းမငယ်လေးလိုပင်။
ဇင်လင်းတို့လို ဂါဝန်လေးတွေ မဝတ်တတ်တဲ့ သူမို့..
ရွှေညို, ကိုယ်ဝတ်လာတဲ့ စကပ်နဲ့ ပွဲမှာ အဆင်မပြေဖြစ်မှာကို နည်းနည်းစိုးရိမ်နေမိသည်။
" ရွှေညို အပြန်ကို ငါတို့ စောစောပြန်ကြမယ်မလား။ဟိုမှာက ငါတို့ သိတဲ့ သူကလည်း များများစားစား ရှိကြတာ မဟုတ်ဘူးလေ "
" ငါလည်း စောစောပြန်ချင်တယ်။ဒါပေမဲ့ ဟိုမှာက
ဘယ်လိုမှန်းမသိသေးဘူးလေ။အခြေအနေကြည့်ပြီးတော့ ငါတို့ ပြန်လာကြတာပေါ့ "
YOU ARE READING
ခြွေညို့နိုင်လွန်းသူ (or) ဖိုက်တာလို ချွေးမ
Romanceဦးနဲ့ ချာတိတ်ကိုမှ ယောက္ခမနဲ့ပါ ဖိုက်တဲ့ ချွေးမလေးပါ😊
