ခြွေညို့နိုင်လွန်း သူ
or
အခန်း (၉) ဖိုက်တာလို ချွေးမ
" ကိုယ်တို့ လက်ဆွဲနူတ်ဆက်ကြရအောင်လား "
" ရှင်... ဘာလို့လဲ "
" မင်းနဲ့စတွေ့ကတည်းက ပြဿနာတွေနဲ့စတွေ့ခဲ့ရတာမလား။အခုကစပြီး မင်းနဲ့ ကောင်းမွန်တဲ့ ဆက်ဆံရေးမျိုးနဲ့ ရှေ့ဆက်ချင်လို့ပါ။တစ်နည်းပြောရရင် ကိုယ် မင်းနဲ့ မိတ်ဆွေဖြစ်ချင်လို့ပါ "
" ရွှေညို အန်ကယ်ဦးမော်ကွန်းတိုက် ကို အားမနာတမ်း ပြောလို့ရမလား... "
သူမစကားကြောင့် တိုက်,မျက်ခုံးတစ်ဖက် မသိမသာပင့်တက်သွားရ၏။
" အင်း ပြောလေ ရပါတယ် "
" ရွှေညို အန်ကယ်ဦးမော်ကွန်းတိုက်နဲ့ မိတ်ဆွေမဖြစ်ချင်ပါဘူး။ဒီကိုလာတယ်ဆိုတာလည်း အန်ကယ်နဲ့ ရင်းနှီးမှုလိုချင်လို့ မဟုတ်ပါဘူး။ရွှေည်ို့ရဲ့
အလုပ်တာဝန်ကြောင့် လာခဲ့တာ။အဲ့ဒါကြောင့် အင်တာဗျူးကိုပဲ ခပ်မြန်မြန်လေး လုပ်ချင်ပါတယ်
။အန်ကယ်ကိုယ်တိုင်လည်း အလုပ်များတဲ့သူမလား
။ရွှေညို့ကြောင့် အန်ကယ့်အချိန်တွေ မကုန်အောင်လို့ အင်တာဗျူးကိုလည်း ခပ်မြန်မြန်လေး လုပ်ပေးပါမယ် "
အင်တာဗျူးအတွက် တမင်နေ့လယ်ပိုင်းအလုပ်တွေကို ဖျက်ထားမိတဲ့ တိုက်မှာ... သူမစကားကြောင့် နည်းနည်းတော့ အောင့်သက်သက်ဖြစ်သွားရသည်။သတင်းဌာနတွေက သတင်းထောက်တွေတိုင်း ကိုယ်နဲ့ အင်တာဗျူးလုပ်ချင်လို့ တန်စီးနေတာတောင် တစ်ခါမှ မလုပ်ခဲ့။သူမကိုမို့လို့ လုပ်ပေးမယ်လို့ တွေးခဲ့တာ။အခုတော့ သူမက မထင်ထားလောက်အောင်ကို အပြုံးအရယ်မရှိတဲ့ မျက်နှာလေးနဲ့ ချေမိုးပြနေ၏။
ဘာကြောင့်မှန်းမသိ ထိုချေမိုးနေတာလေးကိုပင်
စိတ်ထဲမှာ ထူးဆန်းစွာ သဘောကျချင်သလို ခံစားနေရ၏။
" ကောင်းပြီလေ၊ မင်းဘက်က မြန်မြန် လုပ်ချင်နေရင် မြန်မြန်ပဲလုပ်တာပေါ့။ကိုယ့်ကို မေးမြန်းမယ့်
အချက်အလက်တွေလုပ်လာသေးလား။ကိုယ် အရင် ဖတ်ကြည့်ရအုံးမလား... "
YOU ARE READING
ခြွေညို့နိုင်လွန်းသူ (or) ဖိုက်တာလို ချွေးမ
Romanceဦးနဲ့ ချာတိတ်ကိုမှ ယောက္ခမနဲ့ပါ ဖိုက်တဲ့ ချွေးမလေးပါ😊
