ခြွေညို့နိုင်လွန်း သူ
or
အခန်း (၁၃) ဖိုက်တာလို ချွေးမ
.
" သမီး ဒါက ဘယ်လိုဖြစ်လာရတာလဲ... "
ဂျက်ဖာပုံးတစ်ခုကို ပိုက်ပြီး၊မနက်ထည့်ပေးလိုက်တဲ့ ထမင်းဘူးနဲ့ပါ အိမ်ကိုပြန်လာတဲ့ သမီး။ ပြန်လာနေကျ အချိန်မဟုတ်ဘဲ ပြန်ရောက်လာတဲ့ သမီးကြောင့် ဒေါ်ညိုညိုမှာ နှလုံးထိုင်ရောင်းနေတဲ့ စားပွဲနေရာက ထလာပြီး စိုးရိမ်မကင်းစိတ်နဲ့ မေးလိုက်တော့...
" အမေ့အလုပ်မပြီးသေးဘူးမလား... အရင်လုပ်ပါ။
အမေ့အလုပ်ပြီးမှ အေးအေးဆေးဆေး စကားပြောကြမယ်လေနော် "
မျက်နှာကနေထိပန်းလိုညိုးကျနေပြီး၊စကားသံကအစ အားမရှိနဲ့ပျော့ဖက်နေတဲ့ သမီးကိုပို၍ စိတ်ပူလာမိ၏။
" သမီး... "
" အရေးကြီးကိစ္စမဟုတ်လို့... စိတ်မပူပဲနဲ့ အမေ့အလုပ်ကိုသာ လုပ်ပါ။ရွှေညို အခန်းထဲမှာ ရှိနေမယ် "
အိမ်မှာ ရပ်ကွက်ထဲက နှလုံးဂဏာန်းလာထိုးတဲ့ သူတွေရှိနေတာမို့... အမေ့ကိုနှစ်ကိုယ်ကြားလေသံဖြင့် စကားကို ပြောပြီး၊ အိပ်ခန်းထဲဆီ ဝင်လာခဲ့လိုက်သည်။
" ဒီကလေးတော့ ပြဿနာကြီးတစ်ခုခုဖြစ်လာတယ်ထင်တယ်။ဟင်း... "
ဒေါ်ညိုညိုမှာ သမီး၏အမူအရာကိုကြည့်ပြီး၊နှလုံးထိုင်ရောင်းရမှာကိုပင် စိတ်ကသိပ်မပါတော့သည်။
နောက််မိနစ်နှစ်ဆယ်လောက်ဆိုရင် နေ့လယ်ပိုင်းအရောင်းက ပိတ်ပြီမို့ ညနေပိုင်းကိုတော့ အရောင်းနားဖို့လုပ်လိုက်သည်။
အရောင်းနားမှ သမီးနဲ့ စကားအေးအေးဆေးဆေး
ပြောလို့ရမှာလေ။
....
" ဟင်... ဒီလောက်တောင် များတာလား... "
ရွှေညို အခန်းထဲရောက်တော့ ရုံးကနေပြန်သယ်လာတဲ့ ပစ္စည်းပုံးကို အိပ်ရာဘေးဘက်နားမှာချထားပြီး၊
အလုပ်ထုတ်ခံရလို့ပေးလိုက်တဲ့ နစ်နာကြေးဆိုတဲ့
စာအိတ်ကိုဖောက်ကြည့်လိုက်တာပဲဖြစ်သည်။
အထဲမှာပါတဲ့ ဘဏ်ငွေထုတ်လက်မှတ်မှာ "သိန်းတစ်ရာ" ဟု တွေ့လိုက်ရတာမို့ အတော်လေး အံ့သြသွားမိသည်။
YOU ARE READING
ခြွေညို့နိုင်လွန်းသူ (or) ဖိုက်တာလို ချွေးမ
Romanceဦးနဲ့ ချာတိတ်ကိုမှ ယောက္ခမနဲ့ပါ ဖိုက်တဲ့ ချွေးမလေးပါ😊
