﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
~~~~~~~~~~~~~~~~~~~~~~~~~
~~~~~~~~~~~~~~~~~~~
~~~~~~~~~~
(( أمـريـكــا فــي احــدى الـولايـــات ))
تأفأفت بضجر الساعة ب 9:10 مساءً وهمه ولا واحد جاي لحد الأن نزلت اهرول و اكمز على الدرج واني لابسه بجامة لونها وردي وبيها رسم ورد وبدي نص اردان لونه وردي و يتوسطة رسم وردة كبيرة...
دخلت المطبخ واني اعيط
~" مامممم ماميي ماميتوو شوكت يجون والله ضجت شنهايي "
~ "طيح الله حظج ولج كمزتيني وبعدين همه طالعين ويا ابوج وأنتِ تعرفين اذا طلعو ويا ابوج يعني شغل مهم "
~"ماميتووو زوجج هذا شوكت يقتنع عائلته أهم من الشغل تراا بطني ادك و تلطم من الجوع "
~"امتعينج ولج هسه صار زوجي مو ابوج هو...خابري و شوفي وينهم لسه "
~" مامي ولدج فوناتهم مغلقه من طلعو لسه "
~"يبوو هاي أكيد مسوين مدگوگه و ابوج مقفص عليهم "
~"مامم يستاهلون خليهم بلكي يربيهم شوي "
~ "ايا دماغ سزز وانتِ ثبتي على كلمة كل شوي (مام,ماميتو,و مامي) كرصي روحج و ثبتي ع كلمة ويلهه ولي عني خل اكمل العشة"
~" اويي مامي انتِ ليش هيج قاسية بردودج "
~"بطلي تنغوص ولي عني ماريد اشوف جهرتج "
~"اويي ماميتوو ولدج كلهم يرحون فدوة لجهرتي"
هو أني حجيت هيج وهي شالت الچفچير تريد تشمرة عليه واني صرت سبايدرمان بسرعة اختفيت من المطبخ
واسمعها تغلط عليه..
أحب انرفز ماما تتخبل من اتنغوص عليها مرات خطيه تبقى فاتحه حلگها عليه واني احجي هههههااااايي..
رحت اطفر ع الدرج حتى أصعد للغرفة وصلت ثالث باية و سمعت صوت حبيب گلبي ونزلت اركض ركض و اعيط بفرح
~"لككككك بابيتووووووو بابييي باباتييييي "
شفته يدخل للبيت وهو يضحك واني كمزت بحظنه
~"حبيبي ليش تأخرت مو تدري اشتاقلك حتى بطني ماتت من الجوع اقصد من الشوگ"
