﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
سَوالفك خليتها بـ گلبي وحده على وحده .
~~~~~~~~~~~~~~~~~
اليسع::" برنو هاي امي زهراء تشبه ميساء مو ؟
وهنا اجتني كفخة ادراك زهراء نفسها ام اليسع نفسها الي يحجي عنها وجود بس وجود شدخله ب إم اليسع ليش يكول عليها حبيبتي .
بروناية::" اليسع يعني زهراء امك ؟ وهذا ابوك مو ؟
اليسع::" ايي حبيبتي
أستمر يدور بين الغراض ع جنسية أبو الي ما اعرف ليش ملهم يريدها لگاها اخذها و طلع لملهم واني بقيت صافنه ع الصور گلبتهن كلهن وحده وحده شكد صورهم حلوة و ابتسامتهم بالصور عفويه ومليانه فرح و حنان أم اليسع ايه من الجمال تخبل ملامحه حيل حلوة و جذابة تشبه ملامح ميساء و لمى اكو خصال تشابه بيناتهن بقيت ع هذا الوضع لمن دخل اليسع شافني ع نفس كعدتي أردف
::" ها برنو شني عجبتج الصور
::" كلش حلوة صوركم ، بس اليسع امك شلون ماتت ؟
عقج حواجبة و أردف
::" ليش اسئلين ،!
::" هيج فضول أعرف
::" سالفة طويلة واضوجج حبيبتي بعدين اسولفلج ،
::" اليسع اريد اكلك ع شغله
مركز بعيوني و يأشرلي أكمل كلامي وگفت صرت قريبه عليه أردفت
::" شنو علاقة وجود ب أهلك ؟!
واضح أستغرب من كلامي أردف
::" والدي الله يرحمه و وجود يصيرون ولد عم
::" ايي أعرف اقصد يعني ما اعرف شلون افهمك بس وجود شلون يعرف امك ؟
::" يصير أبن خالتها لأمي يعني گرايب ، بس ليش اسئلين شجاب امي ع بالج
أرتبكت خفت اجفص بكلمة واني ما عندي إي دليل بس لازم يعرف لازم اكله عن كلام وجود أردفت
::" اليسع وجود من خطفني تدري شنو گالي ؟
::" شنو!!
::" گال أبوج السبب بموت زهراء حبيبة روحي و شوفني صورة لحبيبته الي يقصدها يعني زهراء وبالصدفة اليوم شفت نفس الصورة عندكم وأنت گلتلي زهراء امي ،،
