﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
لو تشبهين الورد يبقى اختلاف
الورد يذبل وأنتي دائماً فاتنة “
~~~~~~~~~~~~~~~~~
~الكل منتظر جدو ابو القاسم يحجي ، خصوصاً بابا مركز بكلام جدو حسن بكل حواسة ، سد الاتصال
ابو القاسم::" أبو ادهم اخوك ابو مهند خابرني ، منطيك خبر ابنة مهند راح يزوج ؟"
علي::" ايي عمي اتصل عليه و عزمني بس أني تعذرت منه ما اكدر اروح و اعوف ابوي وحده "
ابو القاسم::" ابو ادهم ابني أخوك محسن تعرفه كلش زين هو عكس اخوانك البقية الوحيد الي وكف وياك وما انطة بيك ولا عافك و دائماً يسئل عليك و ع اخبارك ، وهو محتاجك اليوم صيرلة سند كدام العالم تعرف اخوانك هذولك غبران "
علي::" عمي والله ما مخلي الموضوع ابالي بس تعرف أبوي مريض واني معتني بي ما اكدر اعوفة وحده "
ابو القاسم::" يا عمي چا غير ابوك يروح ويانه هم، وضعه صار زين خلي يطلع ويا اهله "
علي::" أخاف عليه يتعب!"
سراج::" عمي شسالفة اذا بقى بالفراش مو زين عليه والله خلي يطلع و يحرك نفسه حتى الدكتور گال اذا بقى نايم بالفراش تصير بي تقرحات لا سامح الله "
علي::" اذا هيج هاي هيه ، يصير خير"
ادهم::" بوية بس أنت تروح أن شاء الله مو ؟"
ابو القاسم::" لا جدي كلكم ترحون أبن عمكم هذا"
ادهم::" جدي ما اثني كلامك بس امي و اخواتي ما يخطن ذاك البيت مو صح يابة ؟"
ابو القاسم::" ادهم اذا تحجي ع السالفة القديمة ذيچ يا جدي الموضوع يخص ابوك و اخوانه أنت المفروض ما تدخل"
ادهم::" لا جدي مو هيج بس اخواتي ما يرحون هناك"
علي::" يرحن ويانة و يرجعن ويانة "
طفر ادهم وكف ع طولة و نتر بعصبية
ادهم::" يابة صدك تحجي شو نسيت ا..."
قاطع كلامه بابا وهو يصيح ب ادهم
علي::" ادهممممم كافي "
~سكت ادهم لأن الكل كاعد جدو و بيبي و الشباب ، طلع ادهم من الديوان ينكث و يرجف رجف من العصبية اعيونة حمر اعصابة ناطات لحگة حيادر طلع ورا ،،
