﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
وأندَلك مغمُض والوجَوة هوايّ
تِرة الـَ بالروُح بَس الروُح تَندلة .
~~~~~~~~~~~~~~~~~
* بـرونـايـة *
~ أسمع أصوات قريبة يمي بس رأسي يوجعني كلش فتحت اعيوني بالبداية اكو غواش مكدرت اشوف عدل بعدين زاح الغواش ، جسمي يوجعني احسه مكسر تكسر عبالك واحد مكسرني بالخشبة حتى ما اكدر احرك ايدي ، انتبهت ع اليسع واكف من جهة وغيهب ع الجهه الثانية ويتناگرون فوگ رأسي ،،
اليسع::" امشيي اطلع أنت معليك يلااا
غيهب::" شنو اطلع هو بكيفك دروح روح منا يلهه"
::" بابا انت تفتهم لو لا هاي بت عمي أنت بصفتك منو واكف فوگ رأسها
::" حسب علمي ما عدهم علاقة متينة بين عمامهم منين طلعت ابن عمها
::" والخلقك ادميك اذا ما تطلعععع....
أنيت بألم ردت اگوم بس مكدرت رأسي يوجعني كلششش انتبهو عليه أردف اليسع
::" محتاجه شي ؟؟ اجيبلج الدكتورة؟
هزيت رأسي ب لا دخلت سيلا وغيهب اعيونه اشكلت ع سيلا أردفت واني اعدل كعدتي
::" سيلا علي رضا وينه ؟؟ وشصاير ويا؟!
سيلا::" صاير ويا حادث و داخل غيبوبة هذا كل الي أعرفه "
طفرت من مكاني بسرعة ردت اسحب صوندة المغذي ما خلاني اليسع أردف
::" دقيقه هسه اخلي الدكتورة تشيلها الج والله
صدك طلع ثواني واجه ويا ممرضه شالت الصوندة وعقمتلي مكانها وحطتلي لاصق جروح سندتني سيلا وتوجهت لغرفة علي رضا ، بس شفته روحي راحت شكله روحي راحت أبد ما تخيلت يصير ويا هيج ، ركضت حضنت ايدة وبقيت ابجي ،
بليل ماما وبابا وجدو حسن بلكوة قنعهم ادهم حتى يرجعون للبيت لأن تعبانين كلش ماما ما قبلت بس لح عليها ادهم و گالت باجر من الصبح يمكم ، رجعو عمو سراج و ملهم وجدو حسن وبابا وماما بسيارة ملهم ،،،
