﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
شفت بك عُمري والعُمر مرة
راضي بقربك خيره وشره ،
~~~~~~~~~~~~~~~~~
وصل السيد الى أخذ موافقتها بقت بروناية ساكته عمتي تكرصها حتى تحجي بس هي ساكته أخذت دقايق ساكته حتى الشيخ سئلها اذا مجبورة او لا ،
بروناية::" لا سيد ما مجبورة و موافقة
حجتها بصوت كلش عالي سمعنا صوت ضحك بالصالة الثانية ، كرصتها عمتي حيل واردفت بهمس
::" ولججج مو هيجج صخام بوجهج فضحتينة
عاطت بصوت شوي مسموع أردفت
::"اويييييي مامييييي مو تردوني اوافق لعد شكول
السيد::" بنتي ركزي وياي و رددي فقط نعم قبلت وأنت وكيلي ، وهسه راح ارجع اعيد
عاد السيد كلامه وصل لموافقتها أردفت
::" نعم قبلت وأنت وكيلي.
طكتها حبوبتي بهلهولة وطشت الجگليت لمى اصفگ وتهلهل طرشتنا طرش عمو علي دزلنا العقد حتى بروناية تختم عليه يعني تبصم بصمة اصبعها سوتها الها عمتي منى بس بقت تذمر لأن اصبعها تلطخ بالحبر ما عاجبها، فرحانة لخطوبة اليسع والله فرحتي مستحيل تنوصف رغم بروناية تصرفاتها مدري شلونها بس ميخالف لو أعرف اليسع بي لولة وحده أني الي اوكف بوجهه مو هيه ، وهو صدك يستاهل يفرح بالي يحبها وأن شاء الله هي هم تحبه ، كعدت بصف بروناية و أردفت
ميساء::" بروناية ما ناوية تغيرين لبسج ؟؟
بروناية::"لا والله مرتاحه بيهن ليش ؟؟
ميساء::" مو أخاف الولد يدخلون
::" ليش يدخلون شعدهم ؟
::" شبيج مو لازم يلبسج الحلقة والگي
::" ما أريد شكرا خليهن يمه
::" يااا هي مو بكيفج لازم يدخل
رادت ترد عليه بس قاطعنا صوت ادهم وهو يسوي مجال حتى اليسع يدخل ، دخل اليسع و بروناية طفرت وعاطت
::" ياااااااا شعندك داخللللل
فتح اعيونة بصدمة وبقى صافن يستوعب لبسها وصوتها ، والله هاي البت فضحتنا
ام القاسم::" فوت يحبوبة فوت معليك بهاي المسودنة
ركضت بروناية تريد تطلع واليسع صار بوجهه أشرت بيدها و أردفت
::" شو شوي وخر
