﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
~جمدت بمكاني وهو صاب كل تركيزة عليه نظراته تخوف ونبي خصوصاً من يصغر عيونه و يركز بالشخص
بلعت ريگ حاولت اجمع أفكاري حتى ادبر كذبة مناسبة بحيث لازم يصدك بيها بس الخوف سيطر عليه و أردفت بكل غباء
::" شنو ميصير واحد يسبح يعني ؟!"
اليسع::" اني أعرف اليسبح شعره يتبلل شو شعرج مابي شي!"
::" ءءءء شسمه مو غسلت بس جسمي شعري ما غسلته "
::" زين شنو هذا الدخان و ريحة الڤيب الي تطلع من الحمام!؟"
~شلون ورطه ورطت نفسي بيها يربي حاولت أكون طبيعية و اغلس ع سؤالة تمشيت حتى اتخطى بخطواتي بس لزم ايدي الي كانت بيها الڤيب حاطتها ورا ضهري
::" انطينياها "
نترت ايدي منه بقوة
::" شنووو انطيك شبيك أنت ؟"
::" لج صار ساعة واگف هنا كل ظني ملهم يدخن بالحمام حتى ما اكشفه طلعتي أنتي ادخنين! أنتي شنو الي ما مسويته بعد!؟"
::" القتل بعدني ما مسوته ويمكن اتكون أنت اول شخص اقتله "
::" ما استبعدها منج ، دجيبيها ولي نامي"
~تقرب راد يأخذ الڤيب من أيدي واني بحركة سريعة و غبية والله العظيم حركة غبية حطيتها بالمكان السري كدام اعيونة وهو بقى صافن يستوعب أني شنو سويت بقى مركز بملامحي وعلامات الاستغراب ع وجهه من استوعبت الوضع طرت للغرفة و تركته خلفي ، بعدين اذكرت أخاف يكول ل ادهم او بابا ونبي انسحل خوش سحله
" يربي شسوي ونبي أخاف يفضحني واذا ارجعله أخاف يأخذ الڤيب مني"
اشتغل دماغي شوي دخلت للغرفة بسرعة لگيت سيلا نايمه خفيت الڤيب بالملابس مالتي و طلعت بسرعة بسرعه اريد احجي ويا أخاف يفتن عليه
رجعت ما لگيته توقعت رجع لغرفتة وگفت يم باب غرفته مترددة ادگ الباب لو لا ، انتبهت ع الوقت الساعه راح تصير ب 1 بليل واني واكفة يم باب غرفته بقيت اسولف ويا نفسي و اسوي حركات بهلوانية مثلاً اسوي روحي اضرب بالباب بس ما اضربه صدك او اسوي روحي ادفر الباب بس مو صدك او اكمز او الزم شعري بثنين اديه و اغلط ع اليسع
