﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
انكسِر مجَداف عُمريّ بزحمة الروجّ
ووگف بيه الزمَن يم اليكرهَون
وخفت همي تكشِفه اسرار العيون
خَيطت النظر علا يشوفون
وخفت حيلي يَحدب يكُشف العوزّ
ضَهر شَديت صبّري لشيل المتون !
وخفت شِماتي تِصرخ اي وگع طاحّ
وَگفت رمح علـ جرحي گبال العيون .
~~~~~~~~~~~~~~~~~
* مـيـسـاء *
ميساء::" علياء كملتي الملف الأخير ؟؟
علياء::" ايي كملته و دزيته لأستاذ غيهب
::" عاشت ايدج ماكو خلل مو ؟
::" لا ماكو اي نقوصات
::" تمام
رجعت للمكتب أكمل تدقيق الملفات ، الوضع الحمدلله ماشي بالشغل ما حسيت بالوقت الا لمن سمعت دكات الباب انفتح و دخل ادهم شاف وضعي شلون ناثرة الأوراق و الحذاء 'تكرمون' نازعتها وشالي مخربط يعني حرفياً وضعي مبعثر و مزري طفرت من مكاني بسرعة أردفت
::" ءء أسـتاذ ادهم بعدني ما كملت الاوراق
::" ميساء شنو اتفقنا ماكو أستاذ ، وثانياً أني اجيت حتى نطلع نأكل مو ع مود الأوراق
::" بعد وقت عن نهاية الدوام ليش نطلع من وقت ؟؟
::" أخذت زمنية الج و الي ب اعتبار أني وغيهب مدراء
::" اهاا تمام ولو راح تصير زحمه والله البنات هناك طابخات الغدة ،
::" لا ميخالف عندي موضوع حاب احجي وياج اذا متصير زحمه
::" ماشي دقيقه و اجي وراك
::" تمام انتظرج
بقى واكف يم الباب منتظرني استحيت منه اهواي اتمنيته يطلع حتى اعدل نفسي والبس الحذاء هيج راح اتقيد ، رتبت الأوراق و الفايلات المنثورة نزلت جوا المكتب سحبت الحذاء و لبستها جوا حتى ما يشوفني خلصت رفعت رأسي وجان انضرب بحافة المكتب حسيت رأسي نزرف زرف بلگوة كتمت صوتي سمعت صوت وهو يهرول بأتجاهي أردف
