﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
انَه ليلي بلايَه واهِس ما أنام
شلون لو صِرت انتَ واهِس ليلي .
~~~~~~~~~~~~~~~~~
~طلعت من الغرفة وصلت لدرج نزلت كم باية سمعت صوت وشوشة وكلام بصوت ناصي كلش جاي من جوا الدرج نزلت ع أطراف اصابيعي حتى ما اطلع صوت وأنصدمت من سمعت كلام نوال تحجي بصوت خافت
نوال::" عرفت بيك ترجعلي ما عندك غيري هههه...... ايي اسمعك.... شلون ما اكدر..... ايي أدري كلها نايمه بس ما اكدر صعبه...... امممم مبلغ زين بعد زودة شوي....... طبعاً أنت هم طماع تريد تبوگ گاع اخوك........ ماكو غيرك الع*** فهمت فهمت..... بهل سرعة تريدهن..... صعبه والله.....تريدني أخذ أوراق الگاع واجيبهن الك باجر الصبح شبسرعة ..... أحاول أحاول اذا كدرت سهله....
دقيقه يخوان الي سمعته صح لو غلط نوال تريد تأخذ أوراق الگاع الي بأسم بابا لواحد من عمامي بس منو ؟ جبار او وجود او عماد الخوينس ؟؟ يمكن محسن او ذاك الثاني نسيت اسمه!! شسوي هسه ؟ ،
كملت نوال اتصالها ورجعت لغرفتها انتظرت شوي و نزلت من الدرج دخلت المطبخ باب المطبخ صاير مقابيل غرفة نوال بقيت افتر بالمطبخ اراقب أخاف تطلع نوال الأرق استحل الموقف وابد ما غفيت بهاي الليلة من جهة أفكر بسالفة بقائنا هنا ومن جهة سالفة نوال قررت بس يصير الصبح ويكعد ادهم اسولفله كلشي سمعته بلكي هو يعرف يتصرف ،،
مر الليل ساعة ساعة دقيقه دقيقه واني لو افتر بالمطبخ لو أسويلي شي أكله،، سويت قهوة أشربها حتى ما انعس شو بس شربتها نعست غسلت وجهي أكثر من مرة فوني بالغرفة ما اكدر أصعد أخاف ع حظي تطلع نوال وما اشوفها ،،
شفت الضوء الشمس طلع عرفت صار الصبح ما اعرف الساعة بالضبط شكد بس سمعت خطوات شخص ينزل من الدرج مديت رأسي من باب المطبخ انتبهت ع اليسع نازل واضح عليه هستوة كعد انتبه عليه اجه باتجاه المطبخ دخلت هو دخل وراي أردف
اليسع::"صباح الخير ، شنو بعدج كاعده ؟"
::" احمم صباح الخير، لا جنت نايمه هسه كعدت "
