﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
أنتهينا وأنتهى
الماينتهي وخلص حَچينا .!
~~~~~~~~~~~~~~~~~
* مـيـسـاء *
~كاعدة بالغرفة فززني صوت عمتي نوال وهي تصيح نزلت اركض شفتها تتعارك ويا حنين لأن ابنها طالع للشارع العام وهمزين ما ساحگته سيارة كعدت حبوبتي ع صوت عمتي وهي تعيط صاحت بيها سكتت و دخلت لغرفتها اما حنين بقت مهضومه من كلام امها
ميساء::" تعودي ع كلامها هي دوم هيج لا تضوجين حبيبتي أهم شي ابنج مابي شي
هزت رأسها و أخذت آلياس تغير ملابسه وتغسلة لأن متوصخ ، صار وقت الآذان صليت و قريت شوي قرآن خلصت تصدقت و كمت للمطبخ استغربت نونة ليش ما نزلت تصلي كل مرة نصلي أني وياها بس توقعت تصلي بغرفتها ف عفتها ع راحتها احتاريت بالعشة نزلت رنا نسوي أني وياها التهينة بالعشة سوينا خفايف بيتزا ولحم بعجين اما حبوبتي و جدي سوينالهم كبد شوي ، استغربت من اختفاء بروناية هي ما تحب تكعد وحدهي اهواي
ميساء::" معقولة نونة نايمة لسه ،
رنا::" ما اعرف روحي شوفيها
صدك صعدت للغرفة كلت حتى اذا نايمة اكعدها لأن نامت اهواي بعد متكدر تنام بليل وصار العشة فتحت باب غرفتها شفتها فارغة دورت عليها بالصحيات عبالي تغسل او شي بس ماكو طلعت رحت لغرفة لمى كلت يمكن ملت وحدهي راحت يم لمى دخلت شفت بس لمى غاطسة بالكتب
ميساء::" لمى نونة اجتج ؟؟
لمى::" لا اليوم ما شفتها ليش!!
ميساء::" ماكو من نزلت العصر لحد الان ما شفتها
لمى::" يمكن راحت بيت اهلها تعرفينها ما تبقى راكدة بمكان
ميساء::" يي والله هم صحيح ، أكيد كالت لحبوبتي قبل لا تطلع
لمى::" ايي طبعاً روحي سئليها ،
تركت لمى و نزلت لحبوبتي بروناية ما تطلع من البيت اذا ما دكول لحبوبتي يله تروح أكيد اذا رايحة لبيت اهلها عدها علم حبوبتي ، دخلت للصالة أردفت
