﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
- قد تظن أنك على هامش الحياة،
بينما أنت شمس تشرق بقلب أحدهم،
ولأجلك يبتسم.
~~~~~~~~~~~~~~~~~
* ميساء *
سيلا::"نونةةةة تعالي نونةةةة"
~طفرت بروناية مثل المخترعة اجت سيلا تركض و شبگت اختها وتبجي ، كلنا بقينا صافنين ما مفتهمين شي دخلت لمى وراها وجهه أصفر واعيونها مدمعه
بروناية::" شبيج سومي شبيج يروحي ،شصاير!"
جاوبتها لمى لأن سيلا بس تبچي فحطانه
لمى::" هاي هاي اكو وحده من النسوان و عمتي نوال بقن يحجن ع عمتي منى و عليجن كدام النسوان كلها يگولن
"بنات منى ك* يكعدن بنص الزلم يحتارن شيسون بروحهن "
وعمتي نوال دكوللها
"صوج امهن ما معلمتهن ع التربية الصح "
حبوبتي ما سكتت رزلتهن وهنه بقن يغلط عليجن سمعت كلامهم سيلا وبقت تبجي واجتي تركض لبروناية...
~قاطع كلام لمى صوت عمتي منى وهي تصرخ مفرفحة ركضت بروناية وهي ما تشوف گدامها طلعنا وراها
شفت عمتي منى وأگفة و تنگث بملابسها
ام القاسم::" ولچن لحگن المرا احترگت چبو التشريب الحار عليها"
بروناية ركضت لأمها وهي خايفة اخذتها لغرفة حبوبتي ام القاسم شوي و طلعت أخذت ثلج و رجعت
باقي النسوان يبسبسن بيناتهن ورجعن يأكلن وسيلا بس تبجي و حبوبتي ام القاسم ترزل بيهن
ام القاسم::" مسمومات حرگتن المرا يلا ارتاحيتن "
اقبال::"بسج حجيه بسج منو حرگها غير ما تدري و چبت الطاسة ع عمتها "
