﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
- إنه أمر مؤلم أن تذهب عندما تريد البقاء،
ولكن الأمر الأكثر إيلامًا
هو البقاء عندما تريد الرحيل.
~~~~~~~~~~~~~~~~~
علي::" ايي حبيبي ادهم احجز بس لنفسك و روح شوف الشركة و مر ع تامر هم تفقد شركتنا "
بروناية::" ششننووووووووو؟!"
~انتبهت ع نفسي صرخت بصوت عالي وكل الأنظار توجهت الي عدلت كعدتي و كملت كلامي
بروناية::" شنو بابا احنه اتفقنا أسبوع و نرجع ليش هسه غيرت رأيك ؟!"
علي::" حبيبتي بابا الموضوع مو غيرت رأيي و إنما جدكم كلش مريض واني ماكدر اعوفه هنا وحده ولا أمن ع احد يهتم بي غيري رغم عمي حسن ما مقصر بس هذا ابوية أني الي أتحمل مسؤوليته ومستحيل اعوفكم هناك وحدكم تبقون هاي الشهرين منا ع ما يبلش دوامكم أن شاء الله نلگه حل"
أدهم::" يابه من رخصتك ممكن نحجي برا شوي"
~انتبهت ع ادهم كلش معصب و ضاغط ع قبضة ايدة بقوة طلع ادهم و لحگه بابا واني الفضول يأكل و يشرب وياي اريد أعرف شنو يحجون وليش ما حجو هنا مو كلنه كاعدين انتظرتهم شوي بس فضولي اقوى مني اسحبت شوي شوي و طلعت وراهم
ادهم منفعل كلش يسولف بحرگة و عصبية اشگ بي راح يدمع من القهر و بابا يحاول يهدي ما ركزت بكلامهم لأن بس لمحني ادهم سكتو
بروناية::" ليش سكتو كملو ، بابا اني ما ابقى هنا اريد ارجع ويا ادهم"
ادهم::" يابه بروناية و سيلا ما يبقون هنا ارجعهم وياي والقرآن الكريم انتبه عليهم "
علي::" ادهم ابني شنو أنت احرص عليهم مني لك ابني هذني بناتي هم واخاف عليهن أكثر منك ومستحيل اخلي احد يمسهم بكلمة "
ادهم::" يابه ليش تفتح دفاتر عتگ ليش تريد ترجعنه للصفر "
علي::" ابني ماكو شي اسمه نرجع للصفر أنت مكبر الموضوع وهو ما يحتاج كل هذا ترجع هناك اتمشي امور الشركة و تحل اي عرقلة و ترجع هي كم يوم و ترجع "
