﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
ضُل وياي
أريدَك والـ بَُقن چَم يوم
وهالچَم يوم صارن حّدك
وحّدي ،
خليني أرد اشوفَك گمت
أحِسك طيف
يا عين التگض الطيف الـ يّعدي !
مُحَطَم.
~~~~~~~~~~~~~~~~~
~انصدمت بكلامه سكتت ما جاوبته كمل كلامه
::" أخذت روحي وياها من راحت صار سنين من راحت ولسه ما متعود ع فراگها ريحتها لسه اشتمها احسها موجودة وياي بكل مكان روحي متعلقة بروحها بس عافتني ، عافتني وحدي وراحت بدون ما تهتم الي ما فكرة شلون اكدر اعيش بدونها ما فكرة اكو انسان متعلق بيها هلگثر ليش اكو ناس هيج انانين ما يفكرون بمشاعر غيرهم ليشششش ،،
كل حرف يحجي احسه خنجر بگلبي مكدرت احجي اي حرف صدمتي بكلامه وهو يحجي ع حبيبته گدامي حطمت كل أمل نزرع بداخلي اتجاهه علاقتنة حسيت أطراف جسمي كلها نملت مكدرت كلشي اسوي ،،،
غيهب::" ليش ساكته ؟
بلعت غصتي و أردفت
::" ما اعرف شنو احجي فاجئتني بكلامك
::" موت النحبهم مو سهل ينسي
::" فعلاً ، الله يرحمها
::" يرحم موتاج ،
سكت شوي و أردف
::" تمنيتها موجودة هسه حتى اسولفلها عنج
::" ليش ؟
::" امي دائماً چانت امنيتها تزفني بأيدها ، بس ماتت وهي بحسرة زواجي
صفنت استوعب كلامه ، هو دا يحجي ع أمه أني ليش فكرة ع أنها حبيبته ؟؟ شكد ثولة يا سيلا ، أردفت
::" الموت حق و أكيد اجه يومها و ماتت مو بكيفها هي تختار يوم وفاتها
تغيرة نبرة صوته لحقد و بغض أردف
::" لاا ما ماتت هيج كله بسبب زوجها هو السبب
::" ما فهمت يعني منو تقصد ابوك ؟
::" لا دكولين عليه ابوية هذا الرجال حرام يبقى عايش
