﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
يا فاتِن العيّنين جئتُكَ مُرهقًا
مِن وحِي حُسنكَ راعنِي أنّ أقتُلاَ
تلكَ العيُونُ النَاعِساتُ فتكنَ بِي
باللّحظ أمّ بالكُحلِ صِرتُ مُجندِلا
فَاضَ الدّلالُ مِن الدّلال تَخيّلُوا
كيفَ النّدَى فوقَ الزّهُورِ تكلّلا
القتلُ فِي شرعِ الإلهِ محرمٌ
وبشَرع حُسنِكَ لا يزَالُ مُحلّلا
~~~~~~~~~~~~~~~~~
* مـيـســاء *
~وصلنا ملهم للبيت وهو راح يصف سيارته ، البيت مسوينا مثل القاعة كلش چبير وبي طاولات وتزين يجنن و كوشة العروس حلوو أول ما وصلنا شفت عمتي منى و حبوبتي ع وحده من الطاولات بالمقدمة رحنه يمهم ، نزعنا الأعبي و الشالات عدلنا نفسنة واحنه كاعدين ورا شوي دخلت بروناية بلكوة تمشي أشرتلها اجت ب اتجاهنه
بروناية::" ولجن تعثرت همزين ما طحت ع وجهي"
لمى::"هههههه اويلي چان صرتي فرجة لأمة محمد كلها"
بروناية::" يي والله بس ربج ستر وجان الزم بالسيارة ولو صاحب السيارة غثة بس اهم شي ما وكعت"
رنا::" ايي والله چان اطشر حلال الوادم"
ميساء::" هههههههههه خرب بيومج رنا"
بروناية::" شنو ما فهمت يا وادم ؟"
لمى::" قصدها حلال زوجج المستقبلي يطشر ههههههههههههههههه "
بروناية::" انجبن ، اريد اعدل نفسي وين ؟"
ميساء::"هنا يمنه احنه سوينا هيج واحنه كاعدات ع طاولة "
نزعت بروناية الشال عدلت شعرها و ذبت الصاية علينة حتى نظمها ويا اعبينة طالعة صدك تخبل ماشاء الله عليها ،،
بلش البيت يگتض و كل شوي تجي مجموعة نسوان تسلم ع حبوبتي و علينا احنه ما نعرفهن بس انسلم فشلة اما سيلا و نونة أصلا ما دايرات بال حتى النسوان مايردن عليهن رغم يجن يسلمن بس هنه مطنشات ،
سوو دخولية للعروس ويا العريس احنه لبسنا اعبي بس نونة لفت شال ع اكتافها اما سيلا لا لبست صاية بروناية ، العريس دخل بس وحده جان امبين مرتبك وفرحان شكلهم كلش حلو العروسة امبين صغيرة بعدهي بس حلوة
