﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
يبدو أن الشيء الوحيد
الذي أستطيع الشعور به
هو الرَغبة الشَديدة في أنكَ
يجب أن تكوني هنا
وأن وجهكَ ينبغي أن يكون
في مكان أقرَب ما يكون
إلى وجهي !
~~~~~~~~~~~~~~~~~
دفع حسام اليسع ارتد ليورا بقى يفر بالسلاحه ويحجي ويا نونة
::" والله ما جنت هيج وحق رب العرش ما جنت هيج خليتيني افقد من وراج أني أني اضعف بس يم اسمج استغلو حبي الج و أذوني بسببج
نزلت ادموعة مسحهن بأيدة ما منتبه وضغط ع الزناد اخترعنه من صوت الطلقة وبنفس الوقت صوت صراخ سيلا انصدمت من شفتها واگعه بالگاع والطلقة طايحه بيها والدم مغرگ رجلها وتصرخ بكل علو صوتها ، ركض عليها ادهم و عمي وعمتي واخوانها مفجوعين طفر ملهم چتف ادين حسام واليسع أخذ السلاح من حسام فصخه وطلع الشاجور حطه بجيبة والزناد خلا بخصره من ورا ،
نخبص البيت خبص طلع ادهم وهو شايل سيلا الي تبجي من رجلها لحكها عمي وعمتي و حيادر و سراج أما علي رضا ما يكدر لأن بعدهي رجله مجبرة ، ملهم أخذ حسام الي شبه فقد بس فاتح اعيونه وما يحجي ولا كلمة أردف عمي حسن
::" ملهم أخذ حسام ردة لأهله وباجر أني عندي روحه لابوه
انتفض اليسع بعصبيه
::" جدي راد يكتل البت وتريد ارجعه لبيته ولا كأنو صاير شي ؟؟؟؟
ابو القاسم::" شوفت عينك مطفي حتى ما يعرف شنو سوا بس مستحيل اخليها تمر هيج أني اصرف
هز رأسه اليسع بتوعد أردف
::" خوش جدي يصير خيرر
انتبهت ع بروناية صافنه وفاتحه عيونها ع وسعها ركضت ميساء ولحگتها اشوف شبيها قبل لا نوصل الها هوت ع الأرض وتصرخ بعلو صوتها وحاطه اديها ع أذنها وتردد بس بكلمة لاا
::" لااااااااااا لااااااااااااااااااا لااااااااااااااااااا
لزمتها ميساء تحاول تحجي وياها و توعيها وهي فاقده بس اصيح اجه اليسع متلهف وخايف عليها
