﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
- كل إنسان لديه معركة داخلية
لا يعرف أحد عنها شيئًا، فالمظاهر قد تخدع،
ولكن الألم الحقيقي لا يراه أحد.
~~~~~~~~~~~~~~~~~
ادهم::" شصاير هنا ؟!"
اليسع::" تعال ضلعي عندي سالفة وياك بخصوص اختك"
~اجه ادهم يركض عليه يتلمس بوجهي و يحجي بخوف و قلق
ادهم::" نونة حبيبتي بيج شي صاير شي؟!"
اليسع::" والله العظيم مابيها شي بس أني عندي حجي وياك لأن اخوها الچبير و تفتهم لازم أنت تفهمها ميصير تبقى هيج درب الغلط يضيع اهواي ناس"
~مكدرت أتحمل أكثر والله نزلت ادموعي مو ع مود شي بس أخاف اشوف نظرة الأنكسار و الخذلان بعيون ادهم أخاف يخجل من اليسع من يكله اختك ادخن ،، اليسع شافني ابجي دار ضهر و جر ايد ادهم وگفو ع جهه يحجون بس اسمعهم
اليسع::" ادهم هسه أنت من تشوف احد من اهلك ع غلط مو تحاول تصحح غلطهم و تعلمهم عليه ؟
ادهم::" ايي طبعاً ، بس شدخل هذا الموضوع ب بروناية"
اليسع::" عوفك من كلشي و ركز بكلامي ، ادهم أنت مثل ما تشوف اخواتي من عرضك أني اشوف اخواتك من عرضي ، مثل ما أنت ما تقبل أحد يحجي كلمة غلط بحق اخواتي أني هم ما أقبل احد ينظر ولو نظرة محلو ب أخواتك،،، ادهم أنت تعرفني كلش زين وتعرف نمط عيشتنا هنا تختلف عنكم هناك ، ما دام أنتو رجعتو للعراق امشي ع آصلة ،، أني مستحيل اقبل وحدة من اخواتك تطلع هيج كدام العالم ،، أنت شفت نسوانا ماعدنا مرا تطلع بدون حجاب و عباية ومثل ما عندي غيرة ع شرفي مستحيل اشوف بنات عمي يطلعن مشلحات بالشارع حجيت وياها ذاك اليوم كدام اخوانك بس هم ما سمعت الكلام حاول أنت تشرحلها بطريقتك حتى ما اتصرف تصرف مو حلو من يمي أني الي عليه شرحتلك الموضوع عليك تحل الموضوع "
~هو يحجي واني صافنه استوعب يعني هو ما راد يحجيلة عن التدخين يمههه كلبي مستحيل واحد يوصف فرحتي ، بنفس الوقت ضجت من كلامة لأن كله صحيح ،، ادهم مركز بكلام اليسع حرف حرف يسمعه بتمعن و تركيز
ادهم ::" هاي هيه ضلعي عاشت ايدك الباقي عليه مشكور"
ربت اليسع ع كتف ادهم وطلع بقينا بس أني و ادهم أخذ نظرة ع لبسي و حك شعره تقدم باتجاهي كتفت ادية
