﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
لستُ شاعرًا بما يكفي لأكتب لكِ قصيدة
قصيرة وأنتِ بهذا العلو
~~~~~~~~~~~~~~~~~
نوال::" اكلك لا نرجع لنفس السالفة تهديداتك ما ضرني بكثر ما اضرك كتلك لسه التسجيل عندي واليسع اذا عرف يسويكم طشار من أكبر رأس لاصغر واحد بيكم سوي الي كتلك عليه وأنت الممنون واهاا اريدهن عن قريب لأن محتاجتهن ضروري........ ايي يي غصبا عليك....... غير أنت واحد ع*** .... هههههههههه عفيه من البداية وهيج احجي....."
~هي تحجي واليسع يسمعلها بتركيز أما أني والله العظيم طفيت كلش بأيدة هو قريب عليه أيدة تارسة وجهي مو بس حلگي لأن كف ايدة بكبر وجهي واكو عطر بأيدة كلش طيب هيج مثل عطر ورد او فواكة ما اعرف بس هيج شي لو نوال مطولة بالكلام جان غفيت بأيدة
والغريب بالموضوع أني ما انطيت رد فعل ع حركته هاي والله العظيم اني مستحيل اخلي احد يطخ ايدي بس هذا الطنطل ما اعرف ليش يمكن صدفة صدفة او لأن نعسانة ايي نعسانة والله صدك نعسانة بقينا ع هاي الوضعية 5 دقائق أو أكثر بشوي ايد ع وجهي وايد لازم خصري بيها هو طويل وضخم بحيث رأسي يوصل لنص صدرة ،
صار هدوء اختفى صوت نوال رفعت رأسي شفته مغمض اعيونة وبس اشفافة تتحرك ثواني و فتحهن اعيونة ذبلانة وجهه متعرق همس بكلمات و اعيونة بعيوني
::" ليش توازيني ع الرذيلة يبت الناس"
بعد كف ايده عن وجهي وايدة الثانية بعدهي ع خصري اني مسنحه كلش حتى ما دفعته عني أردفت بهمس
::" حيادر ينتظرني يريد الڤيب ، نزلها أنت"
::" تدرين شكم ذنب اكتسبت بسببج "
هو يحجي ومركز بعيوني واني مطفية والقرآن
::" والله نعسانة مالي خلگ اناقشك"
ابتعد وهو ينطيني ظهر وفرگ وجهه بقوة و يستغفر وقبل لا يكمل خطواتة لغرفتة همس بكلمات بس سمعته
::" عيونج سالفتهن تحيـر. "
بقيت صافنه عليه لمن وصل لغرفتة فتح الباب ودخل ثواني و اذكرت حيادر نزلت لغرفتة لگيته هو و علي رضا كاعدين يسولفون بس شافني طفر طلعني من الغرفة
