﷽
على بركة الله نبدأ
لطفاً(تصويت+تعليق +تعليقاتكم بين الفقرات+تابعو قناتي على التلي ☟︎︎︎)
https://t.me/salasabil_313
رواية أنَـحـطَــاط
بقلمي:سَـلسَـبـيـل الـغَـيِـلَـم
******
في اللقاءات التي كانت تجمعُنا
كُنت قد وضعتُ قلبي داخل
عيُوني لأخلد مشهدكِ فيه
ألم تلمحي في عُيوني قلبًا ؟
~~~~~~~~~~~~~~~~~
* مـيـسـاء *
~ كاعدين اني والبنات بالصالة بليل دا نشرب چاي والولد كلها مجمعين جدو وعمو سراج يتابعون الأخبار وملهم ع جهازة واليسع صافن ع تلفزيون بس ما مركز بالأحداث ، حبوبتي تغفي نعسانة و عمتي نوال بغرفتها ورا شوي طفر اليسع يشوف جدو حسين بالغرفة ،، طبعاً يتناوبون عليه كل شوي واحد يروح يشوفة أخاف محتاج شي
رجع اليسع يركض وخايف عاط ب ملهم
::" ملهم شغل السيارة جدي بلكوة يتنفس"
طفر جدي ابو القاسم واحنه كلنا طلعنا ورا شفنا وضع جدو حسين كلش متخربط ،، صارلة فترة هيج بس هسه وضعه يختلف كلش متأزم وجهه اصفر شفافة زرگ
أخذو الولد وطلعو عمي سراج أخذ جدي وطلع وراهم ، بقيت ادعي من كل كلبي ما يصيرلة شي قرينا ايات و داعية وحبوبتي تصلي ركعتين ركعتين وتدعي تأخر الوقت كلش صارت ب 1 ونص بليل وماكو كل ما اتصل ع واحد بيهم ما يردون مخلينه ع نار نتگلب شوي واتصل ملهم كال
" وضعه صعب وما نكدر انطلعه هسه راح نبقى بالمستشفى لا يضل بالكم ،عمي سراج راح يرجع جدي "
مرت الليلة بطالع الروح عمي سراج اتصل ع جبار ابن جدو حسين الجبير ما انطة اهميه وكال
" عود من تطلعونه من المستشفى ردلي خبر واذا مات هم انطيني خبر "
انصدمت بكلامه شكد ما عدهم رحمه وانسانية هذا ابوكم ابوكم هيج ينطيهم كلبهم ما يهتمون سواء عاش او مات ،، رجع اتصل عمو سراج ع عمو علي وطبعا عمو علي الوحيد الي يهتم ب جدي حسين ويخاف عليه كال
"جاي جاي أن شاء الله بأقرب وقت "
كل توقعاتنا راح يجي بس عمو بس من اتصلت نونة وكالت كلنا راح نجي طرت من الفرح ولمى تكمز بس فرحتنا ما كتملت من اتصل ملهم
::" ميساء جدي حسين منتهي كلش الدكتور يكول هاي ساعاته الأخير"
~حبوبتي بقت تبجي وادك و تلطم واحنه وياها لحد العصر اتصلنه ع ملهم كال شوي وضعه استقر الحمدلله ،، ثاني يوم جهزنا الطبخ وجدي حسن يفتر من الصبح كل ما يجي عمي علي هيج يبقى يخبصنا خبص ،،اليسع من البارحة بالمستشفى ويا جدو حسين حتى ما رجع للبيت
