اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
السلام عليكم ورحمة الله وبركاته وحشتووووني يا أجمل وأحلى متابعين في الدنيا طمنوني عنكم واحد واحد🥺💕
لا أخفي عليكم سرًّا أنا سعيدة وحزينة في نفس الوقت، سعادتي بحصاد مشوار دام قرابة الأربع سنين، بداية من ٢٥/٥/٢٠٢١ نهاية بـ ٩/٩/٢٠٢٤، وحزني بأني بودع أبطالي اللي صنعتهم بإيدي، وعشت معاهم حياتهم ومشاعرهم ومواقفهم، فرحتهم ووجعهم وظروفهم، أنفاسهم كانت بتحاوطني في كل مكان، ملامحهم اللي تخيلتها ورسمتها لوحة ملونة قدام عيوني، ونبرة صوت كل واحد فيهم بترن في ودني، صعب الكاتب يصنع حياة ويعيش فيها والأصعب إنه ينتزع نفسه من الحياة دي بعد ما تنتهي، رحلاتنا مع أبطالنا مخلصتش وهنبدأ رحلات جديدة وقصص أكبر وأكثر تشويقًا، شكر خاص بوجهه لكل اللي تابعني من البداية للنهاية وبقوله أنت من عائلتي وأحبائي، وشكرًا إن الثلاثية وصلت لـ 300 ألف متابع بفضل ربنا سبحانه وتعالى ثم بفضلكم🥰💞✨
بالنسبة للناس اللي طلبت مني فصول خاصة وكمالة لحياة أبطالنا، خلاص حبايبي مفيش حياة تاني، توتة توتة خلصت الحدوتة، مستقبل كل شخصية فيهم تقدروا تتخيلوه وتعيشوه في مخيلتكم، كده كده أبطالنا هيفضلوا جوانا وعمرهم ما هيموتوا أبدًا، ودي رحلة وانتهت وقريبًا هنبدأ رحلة جديدة وحياة جديدة مع أبطال هنحبهم وهيعيشوا جوانا بردو...
