මාගේ මාතෘ භූමිය මගේම මව ලෙස සැලකූ මා මගේ පණ දෙවෙනිකර එය රැකගෙන ඔබේ දෝතට පිදුවෙමි...!!!! අපේ අද දවස ජාතියේ හෙට දවස වෙනුවෙන් පරිත්‍යාග කළ හෙයින් එය ඔබට කිසිදිනක අමතක නොවනු ඇතයි සිතමි....!!! එමෙන්ම මා ඔබේ හදවතේ ගැඹුරුම තැනක සදාකාලිකව ජීවත්වෙනු ඇතැයි පතමි....!!!
අපේ කාලය වැලිතලාවෙන් මැකීයනු ඇත....!!!! අප කතාව ඉතිහාසයට එකතුවෙනු ඇත....!!! එහෙත් අපගේ රුධිරයෙන් තෙත් වූ මේ මහපොළව අපගේ ඒ කතාවට සැමදා සාක්ෂි දරනු ඇත.......!!!!
******
"පලයන් මකබෑවිලාම පලයන්...!!!එකෙක් හමුදාවට යනව කියල ගිහිල්ලා මගෙ නම්බුවත් කාලා මැරිල සීල් කරපු පෙට්ටියක ආවා....!! දැන් අනිකත් යනව....!!! තොපි දරුවො නෙවෙයි මරුවො...... අපරාදෙ කන්න දීල තොපිව හැදුවෙ... ඉවරයි...!!!! මගෙ පරම්පරාවම ඉවරයි....!!!! මං මහා පව්කාරයෙක් දෙයියනේ.....!!!! "
"අප්පච්චි ...!! "
"තොගෙ ඔය කටෙන් මට ආයෙ අප්පච්චි කියන්න එපා...!!! තොට ආයෙ මේ ගෙදර අප්පච්චිල නෑ..... මින් මනත ආයෙ තොට මේ ගෙදර පස් පාගන්න තහනං...!!! අන්න ඒක මතක තියාගෙන මේ දැන්ම මගෙ ගෙදරින් එළියට බැහැපන්....!!! අඩුම තෝ එහෙදි මැරුණොත් මේ ගෙදරට තොගෙ මිනියවත් එපා......!!!! "
"අනේ අපෙ මහත්තය....!! මේ අපේ පුතා දෙයියනේ..!! ඇයි අපෙ මහත්තය මෙහෙම හැසිරෙන්නෙ....??? "
"මං මෙහෙම නැතුව කොහොම හැසිරෙන්නද හාමිනේ....!!! එපා කියද්දි රට බේරගන්න කියල ලොකු එකා ගියා. අන්තිමට ඌ අපේ නම්බුවත් කාලා ආපහු ආවෙ සීල් කරපු පෙට්ටියක....!!! දැන් මූත් යනව.....!!! "
"ලොකූ මැරුණෙ නෑ අප්පච්චි....!!! මං ලොකූව ආපහු ගේනව....!! මං ආයෙ ආවෙ නැතත් මං ලොකූව ආපහු මේ ගෙදරට ආයෙමත් එවනව......!!!! "
"උඹ සක්කරයද මැරුණ උන්ව ගෙන්නන්න...!!! මං හෙටම ගිහිල්ලා පන්සලට දානයක් දෙනව තෝත් මළා කියල.....!!!! "
"චූටි අම්මවයි අප්පච්චිවයි බලාගනිං මං යනව...."
"බලාගන්නව තමයි..!! මං තමුසෙ වගේ කොල්ලො පස්සෙ යන්නෙ නෑනෙ...!!! තමුසෙ ඔය අයිය හොයනව කියල කොල්ලො හොයාගෙන යනවද කියල කවුද දන්නෙ......??? "
