තව එහෙම පිටින් නිවාඩු ඉතුරුයි....!!!ඒත් රට වෙනුවෙන් මං ආයෙමත් රාජකාරියට පිටත් උනා.... මගෙ එකා හයියයි..!! උගෙ ඒ ඇස්වල තිබ්බ ගැම්ම වචනවල තිබ්බ හයිය මගෙ හිතට අරගෙන ලෝභකමෙන් උනත් උට පරිස්සමෙන් ඉන්න කියල මං අපේ ගෙදරින් පිටත් උනේ මූලස්ථානෙට යන්න මට වාහනයක් එවපු හින්ද......
මං මූලස්ථානෙන් බහිද්දි මගෙ උන් තුන්දෙනා මට කලින් එතනට ඇවිල්ල හිටියා......
" සර්....!!! "
මුන් තුන්දෙනයි එතන හිටපු තව කොල්ලො කීපදෙනෙකුයි එකපාරටම මට සැලියුට් කරපු හින්ද මං උඩබිම බැලුවෙ මේ මොකද කියල හිතාගන්න බැරුව...!!! පස්සෙ තමයි මීටර් උනේ දැන් මං කැප්ටන් නේද කියල....!!!
"ඔක්කොම ඇවිත්ද ඉන්නෙ ...??? "
මං එහෙම ඇහුවෙ මහියා මට ඇස්වලින් ළඟට එන්න එපා කියපු හින්ද...!!! ඔව් ඌ එහෙම කියන්න ඇත්තෙ තව උන් මෙතන ඉන්න හින්ද....
"ඔව් කැප්ටන්...!!! අපි සර් එනකන් හිටියෙ....!!! "
"හරි.... එහෙනං යමු ඇතුලට....!!! "
මං එහෙම කිව්වහම මහියයි නලියයි සාගරයයි මං පස්සෙන් ඇතුලට යන්න ආවා.... ඒත්......
" කැප්ටන් විමුක්ති.....!!! "
පස්ස හැරිල නොබල උනත් ඒ මට කතාකරේ රෝහිත සර් කියල මං ක්ෂණිකව අඳුරගත්ත......
" සුබ සන්ධ්යාවක් සර්...!!! "
" සුභ සන්ධ්යාවක් කැප්ටන් විමුක්ති..!! "
අපි හතරදෙනාම රෝහිත සර් හිටපු පැත්තට හැරිල සැලියුට් කරද්දි එතන හිටියෙ රෝහිත සර් විතරක්ම නෙවෙයි...!!
" විමුක්ති අඳුරගන්න මේ ඉන්නෙ බ්රිගේඩියර් රණසිංහ..... විශේෂ කාර්ය බලකා රෙජිමේන්තුවෙන්....!!! "
රෝහිත සර් එහෙම කියද්දි අපි බ්රිගේඩියර් රණසිංහ සර්ට ආයෙමත් සැලියුට් කරා..... මං බලාගෙන රණසිංහ සර් අපි හතරදෙනා දිහා හොඳට බලනව.....!!!!
" මේජර්ගෙ කොල්ලො ටික හරි අහිංසක පාටයිනෙ.....!!! "
බලල බලල ඒකිව්ව දේට මට හිනායන්න ආවත් සෑහෙන්න අමාරුවෙන් මං ඒක නවත්තගත්ත..... මං බලාගෙන රෝහිත සර්ටත් හිනා යනව.......