මේ විදිහට බඩු තියෙන කඩයක් දැක්කෙ ගෙදරින් ආවට පස්සෙ අද...!!! කන්න තියෙන අරව මේවා දැක්කහම මගෙ බඩේ පණුවො බොක්සින් ගහනව....!!!ඒත් කොහේ තියෙන සල්ලිද මේවා කන්න......!!!
"සර්ට තව මොකුත් ඕනෙද ...??? "
"අහ් නෑ මුදලාලි එපා...!!! ඕනෙ උනත් අපිගාව සල්ලි නෑ මුදලාලිට දෙන්න..!! "
"අනේ ඕක මොකක්ද සර්....!! ඕනෙ දෙයක් ගන්න මට එක සතයක් එපා..!! "
"ඒක හරියන වැඩක් නෙවෙයි මුදලාලි..!!මේ බඩු මුදලාලිට නිකං හම්බෙන්නෙ නෑනෙ ......!! "
"සර්ල කාලද ඉන්නෙ....??? "
මුදලාලි ඒක ඇහුවහම මට ලාවට හිනා ගියා.... මොකද අපිට පහුගිය දවස් දෙකේම බොන්න වතුර විතරයි හම්බුනේ.....!!!
"නෑ මුදලාලි....!!! දවස් දෙකකින් අපි තුන්දෙනාගෙන් කවුරුත් කාලා නෑ..!! "
"හත්දෙයිනේ පුතේ...!!!! "
මං මුදලාලි කිව්වට මේත් තාත්තා කෙනෙක්...!!! පුතාලා ඉන්න තාත්තා කෙනෙක්....!!! අපි දවස් දෙකකින් කාලා නෑ කිව්වහම මං බලාගෙන ඒ ඇස්වල කඳුළු පිරෙනව........
"ඕවා හිතන්න එපා මුදලාලි..!!!අපිට මේවා හුරුයි....!! බඩගින්න කියන්නෙ අපිට මහදෙයක් නෙවෙයි ....!!! "
"නොහිතා කොහොමද පුතේ...!!! පුතාලා මේ දුක් විඳින්නෙ අපිව රකින්න වෙනකොට...!! අනික් පුතාලා දෙන්නත් එක්ක ඇතුලට එමුකො පුතේ.... බත් ඩිංගක් කාලා ඉමු......!!! "
තිබ්බ බඩගින්නට ඒ ඉල්ලීම ප්‍රතික්ෂේප කරන්න මට පුළුවන් උනේ නෑ......
"අපි එළියෙන් ඉන්නං මුදලාලි....!!!ගෙයක් ඇතුලට එන්න පුළුවන් මට්ටමක අපි නෑ.....!!! "
මං එහෙම කිව්වෙ මගෙ ඇඟ දිහා බලන ගමන්.මුදලාලි කීපසැරයක් අපිව ගේ ඇතුලට එක්කන් යන්න හැදුවත් මං කාරුණිකව ඒ ඉල්ලීම ප්‍රතික්ෂේපකරා..! අපිගාව ඒතරම්ම ගස් ගඳයි දාඩිය කුණු ගඳයි......!!!
අන්තිමට මුදලාලි කඩේට එහා පැත්තට වෙන්න තිබ්බ මුදලාලිගෙ ගෙදර මිදුලෙන් ලී පුටු තුනක් ගෙනත් තියල ආයෙමත් ගේ ඇතුලට දිව්වෙ අපිට කන්න උයන්න කියල මුදලාලිගෙ නෝනට කියන්න........
