"කළුවරයි...!!පට්ටම කළුවරයි...!! කෑලි කපන්න පුළුවන් තරං ඒ අඳුර ඝණකමයි...!!!ඒ මදිවට හීතලයි....!!!
මං බෝඩරේ ඉඳල ආපු දවසෙන් පස්සෙ මාසෙකට කිට්ටුව මේ වෙද්දි ගෙවිල තිබ්බ.... එච්චර කාලෙකට පස්සෙ එදා තමයි හොඳටම වැස්සෙ..!! හඳ එළියවත් නැති අන්ධකාරෙ මහ වැස්සත් එක්ක ඉස්සරහට යන්න බැරි හින්ද හොඳට කවර් උන තැනක මං නැවතුනා......!!!හවස ඉඳල අල්ලපු අමුතු හීතලයි අහසෙ තිබ්බ රතුපාට ගතියයි හින්ද මං හිතුව රෑ වෙද්දි වහී කියලා... ඒහින්ද මං පරිස්සමට නවතින්න පුළුවන් තැනක් ගැන හොඳ සර්ච් එකේ ගියේ.....!!!
"තැන් කීපයක්ම හම්බුනා....!!! ඒත් තව එක අඩියක් හරි ඉස්සරහට යන එක මට වාසි හින්ද පුළුවන් තරම් දුරක් ගිහිල්ල වැස්ස එන්න පැය භාගයක් විතර තියල සේෆ් ප්ලේස් එකක් හොයාගෙන එතන නැවතුනා........
වැඩිවෙලා ගියේ නෑ අකුණු ගගහ මහ වැස්සක් වහින්න ගත්තෙ ඒ ආපු හීතල ඇඟේ ඇට මිදුළුවලටම දැනෙන විදිහට....!!! තෙමිල හිටියෙ නැතත් ඒ වෙලාවෙනං දත් ඇඳි දෙකත් එකට වැදුන.... පුදුම හීතලක් ඒක.....!!!!
කොහොමහරි පැය දෙකක් විතර එක සීරුවට වැස්ස...!!! ඔහොම එකදිගටම වහිද්දි එකපාරටම වැස්ස අස්සෙ ආපු හුළඟත් එක්ක ගහගෙන ආවෙ නහය කඩාගෙන යන කෑම සුවඳක්...!!! වැස්ස පැත්තක තියල මං හිටපු තැනින් එළියට ඇවිත් ඒ සුවඳට ඉව අල්ලගෙන ඉස්සරහට ගියේ කන්න මොනවහරි හොයාගන්න පුළුවන් වෙයි කියල හිතල........
මීටර් තිහක් විතර ඉස්සරහට යද්දි මට සෙට් උනේ තල් ගස්වල කොළයි පිතියි තව එක එක මගුල් ගහල හදපු මායිම් වැටක්....!!! කරුවල හින්ද මට වැටේ තිබ්බ පොඩි ඉඩකින් ඇතුල හොඳට බලාගන්න පුළුවන්කමක් තිබ්බා..... ඇතුලෙ හිටියෙ කොටි..! සිවිල් ඇඳුමෙන් හිටියට උන් ගොඩ දෙනක් අතේ වෙපන් තිබ්බා...!!! උන් හිටපු ගේ වගේ තැන තිබ්බ ලොකු තල් අතු මඩුවෙ උන් හොඳට උයනව.......
වැස්ස හින්ද උන් ඔක්කොම ඇස් විතරක් පේන ගානට රෙදි ඔතාගෙන..!!! ඉන්න එකෙක්ගෙවත් මූණු පේන්නෙ නෑ වැස්ස හින්ද මුරට මොකෙක්වත් අහලකත් නෑ...!! මං කරුවලේම වැට වටෙන් ගිහිල්ලා වැටේ රිංගන්න පුළුවන් තැනක් හොයද්දි මං හිතපුනැති විදිහට වැස්සෙම දුවගෙන ආපු එකෙක් මගෙ ඇඟේ හැප්පුනා.....!!!!