“ ဂျယ်ယွန်း ငါတို့ ခရီး သွားကြမလား “
တီဗီမှာ ဇာတ်ကားကို အာရုံစိုက်ကြည့်နေရင်းနဲ့ ရုတ်တရက်ထပြောလာတဲ့ ဆောင်ဟွန်းကြောင့် ဂျယ်ယွန်းမယုံကြည်နိုင်စွာ လှည့်ကြည့်မိသည်။ ဟန်းနီးမွန်းတုန်းကတောင် ကပ်စီးကုပ်ပြီး ဂျယ်ယွန်းမသိေအာင် ဂျယ်ဂျူကိုပဲ လက်မှတ်ဖြတ်ကတည်းက ရှင်းဂျယ်ယွန်းတို့ ဘတ်ဆောင်ဟွန်းအကြောင်း နောကျေနေပြီ။ အခုလဲ ဘာကို စတန့်ထွင်ဦးမလဲမသိ။
ကြည့်ရတာ ဂျယ်ဂျူကိုသွားတုန်းက ဟိုသုံးကောင်ကိုပါ ခေါ်တဲ့ကိစ္စ အခုထိ မကျေနပ်သေးတဲ့ပုံပင်။ တနင်္ဂနွေသားတွေ အငြိုးကြီးချက်ကွာ…။
“ ဉာဏ်နီဉာဏ်နက်တွေ ထုတ်နေရင် အခုထဲကရပ်လိုက် ဘတ်ဆောင်ဟွန်း မင်းအကြောင်း ငါသိတယ် “
“ ထုတ်စရာလား ဂျယ်ယွန်းရယ် ငါက အတည်ပြောနေတာ “
ဒီလိုပြောနေတဲ့ပုံထောက်ရင် သိပ်တော့မဆိုးဘူးပဲ။
“ ပြောကြည့် ဘယ်ကိုသွားမလို့လဲ “
ဒီတစ်ခါလဲ နိုင်ငံတွင်းပဲဆို ရှင်းဂျယ်ယွန်းလေး ဘတ်ဆောင်ဟွန်းကို တကယ် အိမ်ပေါ်က နှင်ချတော့မည်။
“ နယူးယော့ခ် “
“ ဘာ!!!!!!!!! “
ကပ်စီးကုတ် ဘတ်ဆောင်ဟွန်းက နယူးယော့ခ်ကို ခရီးထွက်မယ်? သိကြားမင်း ဆင်းပြီး ရှင်းဂျယ်ယွန်းကို နားရင်းဖြတ်အုပ်သွားရင်တောင် မယုံရေးချ မယုံ။
“ သိကြားမင်းဆင်းပြီး ငါ့ကိုနားရင်းလာအုပ်သွားတာကတောင် ယုံချင်စရာကောင်းဦးမယ် ဘတ်ဆောင်ဟွန်း “
“ ငါအတည်ပြောနေတာ မင်းနဲ့ ငါ… “
“ ဘာဖြစ်လဲ မင်းနဲ့ ငါ? “
“ အဲ ရေနွေးအိုးဆူနေပြီပဲ “
ထိုအချိန် ရုတ်တရက်ထအော်လာတဲ့ ရေနွေးအိုးအသံ။ ဘတ်ဆောင်ဟွန်းက စကားကိုဆုံးအောင်မပြောသွားပဲ ဂျယ်ယွန်းကို ဦးနှောက်စားအောင် လုပ်သွားပြန်သည်။
“ စကားကိုပြောလိုက်ရင် အစဖော်ပြီး အဆုံးမရှိ။ “
“ တကယ်ကြီး ဘတ်ဆောင်ဟွန်းက နယူးယော့ခ်ကို သွားမယ်??? “
YOU ARE READING
CHALLENGE // JAKEHOON
Romance" I challenge you to love me" - Park Sunghoon X Sim Jaeyun
