Stardust Serenade

Chapter 24

∘₊✧──────✧₊∘
Chapter 24:
∘₊✧──────✧₊∘

Davy:

nasa simbahan na kami.

may lumapit sa'kin na bata, nagtitinda ng sampaguita

binili ko na lahat kawawa kasi

nakikinig na ako sa sermon ni Father

<>

"Davy," sinagi ako ni Ate. "Makinig ka sa pari." Bulong niya.

Ibinaba ko ang phone. Mula kaninang paggising ay naga-update na ako kay Everest.

Davy:

pauwi na kami

traffic na naman :((

Everest:

Ingat kayo.

Davy:

syempre, para sa'yo

Everest:

Corny mo naman.

Davy:

dadaan pala kami sa flower shop

Everest:

Tapos?

Lahat na lang sinasabi, ah

Baka pati pagtae mo sabihin mo pa

Davy:

bakit naman hindi?

pero iyon na nga, bibili ako para sa'yo

ano bang fav mong flower?

Everest:

Kahit ano.

Basta galing sa'yo.

<>

Napakagat ako sa ibabang labi para pigilan ang ngiti, nakita ko pa ang paglingon ni Ate sa'kin at may ibinulong kay Mommy.

"He's really in love." Narinig ko pa ang sinabi niya, pero hindi ko pinansin. Totoo naman, in love nga ako kay Everest.

Dumaan nga muna kami sa Flor's Flower shop. Bumati agad sa'min ang isang lalaki, Gab ang pangalan, nakita ko lang sa nameplate niya.

"Welcome to Flor's Flower shop, Sir." Ngumiti siya sa'min.

Bumili lang kami ni Daddy ng bouquet of roses para kay Mommy at Ate. Naunang bumalik si Dad sa kotse namin, naiwan ako para magtingin ng p'wedeng bilhin para kay Everest.

"May gusto pa po ba kayong bilhin, Sir?" Tanong ni Gab kaya tumingin ako sa kan'ya.

"Mayro'n pa sana, kaso hindi ko alam kung ano, e. Pwede mo ba ako tulungan?" Sagot ko. Hindi ko kasi talaga alam kung ano ang bibilhin ko. Gusto ko 'yong maganda.

Masyado na kasing common 'yong rose, e. Gusto ko 'yong ibang flower naman.

"Kanino niyo po ba ibibigay, Sir?" Tanong niya.

"Sa nililigawan." Agad na sagot ko.

"Ayaw niyo po ba ng red roses?"

Umiling ako.

"Hmmm," nag-isip siya. Sumunod ako sa kan'ya nang maglakad siya sa ibang part ng shop. Tumigil siya roon sa maliliit na mga bulaklak na kulay white 'yong petals tapos may yellow sa gitna.

"Itong Daisy po, Sir. Maganda rin siya na ibigay sa love ones niyo." Tinapat niya sa harap ko iyong bulaklak kaya kinuha ko iyon sa kamay niya.

"Daisy means true love, Sir. It's also symbolizes the idea of pure love." Patuloy niya.