لا نختار الاحداث قد قلت مسبقا انها تجري بغير ارادة منا لكن بعضها ما يكون بصالحنا فيؤذينا والبعض الاخر يكون بصالحنا ايضا لكنه يتركنا نكتشف ذلك لاحقا وذلك عن طريق ايذائنا لانفسنا باختيارات فاشلة لنعلم لاحقا انه ليس لنا ....
اجاني استدعاء من المدير العام تقريبا اجتماع حتى نناقش موضوع الجرائم وعن التطورات الي دتصير ... فتحت الباب ودخلت مكتبه لكيت المدير العام كاعد عالمكتب وهو بالبدلة الرسمية ويمه مجموعة ضباط من ضمنهم خالد انطيت تحيه ..
المدير العام '' عقيد ايهاب ليش تاخرت ''
''اعذرني سيدي جانت اكو شغلة كملتها واجيت ''
عميد صادق '' تفضل ايهاب ''
هزيت راسي بقبول ودخلت
المدير العام '' نعم هسه اريد توضيح مفصل عن كم الجرائم المتسلسلة والي لحد الان ما الها حل حسب ما اشوف ''
عميد صادق ''سيدي ما بقت طريقة ما حققنا بيها حتى الاماكن العتيقة والمشبوهة بس اكو ربط طفيف بين الجثث الي صارت ببابل ''
حجه بتزمت واصرار وكل الموجودين يستمعوله باحترام '' ما دام اكو ربط ليش لحد الان ما عرفتوها يعني اني اختاريت احسن واضبط عناصر بالقوات وكاعد تحجولي بانو ما لكيتوا دليل احجي عميد صادق شنو هذا الربط وليش ما فادكم ''
عميد صادق ''سيادتك اغلب الجرائم الي صارت الها حدث واحداثي عادة ما يكون اله علاقة برقم 9 يعني اما يوم تسعة او ساعة تسعة او شهر التاسع ''
ضحك المدير باستهزاء '' يعني بارزيلي كل عضلاتكم وما لكيتوا غير هذا الدليل السخيف الي ما اله معنى من الممكن انو تكون صدفة لا اكثر ''
عقيد خالد '' سيدي من المستحيل تكون صدفة ابسط مثال اخر جريمة صارت بالجنائن المعلقة الجثة مطعونة تسع طعنات معقولة تشوفه صدفة اني متاكد اكو شي يربط المجرم برقم تسعة بس ماعرف شنو بالضبط ''
المدير العام '' عقيد ايهاب شنو رايك بكلام خالد بما انكم فريق واحد ونفس القضية ''
ضليت صافن عليه واني غارق بتفكيري احاول استبعد والكه فد دليل يبعد الشبهة عن نيبال تحمحمت وجاوبت '' سيدي كلام خالد صحيح بس احنا حققنا مع الكل وكل شخص مشبوه انطى افادته بس ما لكينه ربط ''
عميد صادق '' سيدي احنا اخر شي كدرنا نسويه زرعنا بابل كامرات زرع بكل فرع ودربونة ان شاء الله نكدر نوصل للمجرم باقرب وقت ''
المدير العام ''لازم تسيطرون عالوضع وتحلون القضية باقرب وقت لان اذا تاخرنا حتصير قضية رأي عام وتعال سكت الصحافة ''
وكف المدير العام وكفوا كلهم وياه وكال ''تكدرون تنصرفون ''
__________________
كاعده بالهول اباوع تلفزيون وحاطة فنجان الگهوة المرة كدامي تافافت بملل وسديته فجاة حسيت بحركة بغرفتي رحت اتمشى ببطئ دخلت اشتميت ريحة غريبة كانوا اكو روح غريبة هنا بس مو حاساموت لان ادري بيه ما يطلع لو تثالث الدنيا وكفت بنص الغرفة وحجيت بصوت عالي ''اطلع '' فجاة ظهر دخان اسود كدامي ضليت فاتحه حلكي من الصدمة ... عزازير واكف يباوعلي بابتسامة
'' تخيلي قتلت عشر شياطين وقدمتهم قربان بس حتى اشوفج اتمنى تقدرين هالشي يحلوة ''
تقدم وكعد على جربايتي ومد ايده ياشرلي اكعد بصفه ...
'' انت شجابك هنا ''
'' بس انت هيج ترحبين بالضيوف بالجذب كولي هلا بيك ابليسي '' گالها وغمزلي
رحت عالمزهرية الموجودة عالميز وردت اشمرها عليه حسيت اكو قوة وقفت ايدي ما اكدر احركها تقدم باتجاهي ببطئ واخذ المزهرية من ايدي وهو يباوع بعيوني بديت ارجع لي ورة وهو يتقدم باتجاهي تخورست لان شيطان ماكدر اسويله شي حجيت بتمتمه اظهرت القوة بعيوني
''شنو تريد مني ''
''اكعدي نسولف شوية '' راح كعد بمكانه عالجرباية واني اخذت الكرسي مال المكتب وكعدت كدامه ...
تنهد وكال ''اختي تكرهج اتوقع هالشي معلوم بالنسبة الج '' هزيت راسي وكلت ''انطيني الحاصل ''
'' الي مطلب واحد بس واني راح اكون حارس الج وحامي ضد كل خطر يهدد حياتج ''
باوعت بعيونه بتحدي وحجيت '' اولا اني ما احتاج حماية ثانيا اني مستعدة اواجه اي خطر يهدد حياتي لان ماعندي شي اخسره ثالثا اني ما خايفة لا من اختك ولا من عشيرتها ''
ضحك باستهزاء وكال ''اكو انسي اسمه ايهاب برتبة عسكرية اكيد تعرفيه ''
نصدمت وكلتله بارتباك ''شبي ''
''سلامتج وسلامته بس موجود عالقائمة السوداء يعني حاساموت لاقيس وكل واحد يكرهج ناوي يقتله اذا حاولتي تقتربين منه ... كونه بشري ,اكو شغلة متعرفيها حاساموت كان اخر طلب اله قبل المنفى انو ما تحبين اي انسان على وجه الارض كره العمى تكرهيهم لحد ما تنتهي مدة النفي ''كمل كلامه وهو يقرب من وجهي بابتسامة خبيثة ''يعني يا جميلتي انت مجبرة تبقين ويايه وتسمعين كلامي حتى ما تنظلمين ''
''مستحيل اثق بواحد منكم انتوا شياطين حقيرة ما تفكر غير بنفسه ومصلحتها وبس ''
''نيبال سبق وكلتلج مو شيطان بداخله شر يمكن الشر الي بداخلي كادر يدمر بلد بس الي موقفني هو انتِ ماريد اشوفج تتاذين وانت تعرفين صعب الشيطان يعجب بانسية او نصف انسيه مثلج وكلش واضح انو هذا ممكن يتسبب بقطع رقبتي ,حسي يا حلوة حسي بالمخاطر الممكن اواجهها بسببج ''
حسيته صادق بكلامه ومشاعره اكو شي بداخلي خلاني اطمئن لان قريت كتب حاساموت خلتني اعرف هواي تفاصيل عن الشياطين وهواي امور ممكن تخلي الخطر يحاوطهم اولها الاحتكاك بانسية وحمايتها ....كمت من مكاني وگلت
''اتفقنا اني موافقة بس بشرط متطلع عن كلامي وتسوي شي بدون علمي وتحمي اي شخص اني اكولك عليه وتقتل اي شخص اني احدده واذا حسيت بخيانه راح اخليك تندم يا عزازير '' وكف وهو يباوع بعيوني مبتسم '' انا بامرك يا جميلتي ''
''وهاي يا جميلتي تشيلها هم لان ما عاجبتني '' ضحك بصوت عالي '' هاي ما اكدر عليها اعذريني ''
____________________________
خرج من الحمام يرتدي المنشفة البيضاء على خصره يبرز عضلات ظهره وكتفه الممتلئ وشعره المبلل الاسود يرفع هاتفه ليرد على الاتصال ...
'' الو ''
''لك ايهاب وينك اني برة منتظرك ''
'' اصبر ربع ساعة واجيك ''
سديت الخط وبدلت ونزلت لكيت خالد طابك السيارة وكاعد ينتظر فتحت الباب وصعدت ...
''علساس نص ساعة صارت ساعة ''
''ماريد اطلع مخربط لازم ارتب نفسي وانت ما راح تموت اذا انتظرتني شوية ''
شغل السيارة خالد وهو يفشر عليه وطلعنا ...
'' بشر وين وصلتوا انت ونيبال شنو راح تسمون جهالكم ''
''يا جهال يمعود خل تحجي ويايه هسه ''
'' انت مدري شلونك هاي النسوان مكومة يشكن شك متكلي شجايبك على هذا الشلعان الكلب ''
ضليت اباوع عالشارع والسيارات واني اسولف '' لك هاي تختلف صعبة حيل بيها شي يخليني افقد سيطرتي اذا اريد اعبر صح ف اني اعشقها ''
حجه خالد وهو يسوق
'' اوووووو العاشق الولهان ومادام هيج ميصير براسك حظ وتروح تعترف ''
أنت تقرأ
النار والطين
Action" عِندما تَشن الحَرب بين النَّار والطِين ، الجَميع يعَلم بأنَ النَّار ستأكُل الطِين ، إذآ لمَاذا هَذا العِند يا بَني آدم ، تَعلم تمامآ أنك مَغلوب ، ومعَ ذلك تتَحدى فِي المعصية أبليس ! ". للكاتبتان" ايسر محمد" و" طيبة جبار "
